Exodo

25 KUA tuatua mairā Iehova kia Mose, na ko maira,

2 E karanga atu koe ki te tamariki a Iseraela, e rave ratou i te atinga au noku: ta te tangata ravarai kia oronga ua mai i te reira ma te ngakau katoa ra, ta kotou ïa e rave ei atinga au noku.

3 Teia te atinga au ta kotou e rave ia ratou ra; i te auro, e te ario, e te veo,

4 E te kakau kerekere, e te purapura, e te muramura, e te orongā, e te uru puakanio,

5 E te kiri mamoe rapakau muramuraia ra, e te kiri tutu, e te rakau ra e sitima,

6 E te mori no te lamepa, e te rakau kakara no te manongi tainu ra, e no te atinga kakara ra,

7 Te au toka sema, e te au toka ei taroto, no te tiputa, e te tapoki umauma.

8 E anga oki ratou i tetai ngai-tapu noku; kia noo au ki roto ia ratou ra. 9 Mei te tu o te puakapa, e te tu o tona katoa ra au mea, taku i akakite kia koe, e akapera kotou i te anga.

10 E anga katoa ratou i tetai aruna e sitima te rakau: e rua kubiti e afa kubiti te roa, e okotai kubiti e afa kubiti te pararauare, okotai oki kubiti e afa kubiti te teitei.

11 E e vaî oki koe ki te auro meitaki, ko roto e ko vao taau e vaî, e ka anga oki koe i tetai ei auro a rungao e pini ua ake.

12 E ka akato oki koe i e a tātai auro no te reira, ka tuku ei ki nga poo e a ra; e rua tātai ki tetai pae, e rua oki tātai ki tetai pae.

13 E anga oki koe i nga amo i te rakau ra e sitima, ka vaî ei oki i te reira ki te auro.

14 E momono oki koe i nga amo na roto i te tātai i te pae o te aruna, ei apai anga i taua aruna ra.

15 Ei roto i nga tātai o te aruna nga amo vaoo ei; auraka rava e unuiia.

16 E tuku oki koe i nga papa kite, taku e apai atu kia koe, i roto i te aruna.

17 E anga oki koe i tetai tapoki auro meitaki: e rua kubiti e afa kubiti te roa, okotai kubiti e afa kubiti te pararauare.

18 E anga katoa koe i e rua kerubi, ei auro tupakiia kia anga koe, ei nga poo e rua o te tapoki ra.

19 Okotai kerubi ki tetai poo, e okotai oki kerubi ki tetai poo, taau e anga: ei rungao i nga poo o te tapoki nga kerubi, kia anga kotou ra.

20 E ka totoa nga kerubi i o raua peau na rungao, ka tapoki ei i te tapoki ki o raua peau, e ka anga atu anga mai o raua aro; ka ariuia oki o nga kerubi ra mata ki runga i te tapoki ra.

21 E ka tuku koe i te tapoki ki rungao i te aruna; e ka tuku oki koe i nga papa kite taku e apai atu kia koe na, ki roto i te aruna.

22 E ei reira au e aravei ei ia koe, e ei rungao i te tapoki i rotopu i nga kerubi, i rungao i te aruna kite ra, e tuatuaʼi au kia koe i te au tuatua ravarai taku e tuku atu kia koe, kia akaue atu i te tamariki a Iseraela ra.

23 E ka anga koe i tetai kaingakai i te rakau ra e sitima: kia rua kubiti te roa, okotai kubiti te pararauare, okotai oki kubiti e afa kubiti te teitei.

24 E ka vaî oki koe ki te auro meitaki ki rungao, e anga oki i te ei auro e pini ua ake.

25 E akaurupae oki koe e pini ua ake, okotai ake rima i te teitei; e ki rungao i taua urupae ra, ei ei auro e pini ua ake taau ïa e anga.

26 E anga oki koe i nga tātai auro e a, ka tamou ei i te au tātai i nga poo e a, ki runga i nga vaevae e a ra.

27 E i te tapa o taua urupae ra tamou ei koe i nga tātai ra, ei vairanga amo ei apai anga i taua kaingakai ra.

28 Ei sitima te rakau kia tarai koe i nga amo ra, e ka vaî koe i te reira ki te auro, ei apai anga i taua kaingakai ra.

29 E anga oki koe i tona au mereki, e tona au kapu, e tona au kapu mamaata, e tona au āriki ei riringi anga ra: ei auro meitaki anake te reira kia anga koe ra.

30 E tuku oki koe i te areto no te aroaro ki rungao i taua kaingakai ra, ei mua iaku nei vaoo tamou ei.

31 E anga katoa koe i tetai vairanga lamepa auro meitaki ra: ei mea tupaki taua vairanga lamepa ra kia anga koe: tona pu, e te au mangamanga, e te au āriki, e te au ponapona, e te au tiare, kia okotai rai ïa manga auro.

32 Kia ono ake mangamanga no roto i nga pae o te reira ra, e toru mangamanga i tetai pae vairanga lamepa, e toru mangamanga i tetai pae vairanga lamepa ra:

33 Kia toru ake āriki, mei te sekadi te tu, ma nga ponapona, e nga tiare, to te manga manga okotai ra; e toru oki āriki mei te sekadi te tu, ma nga ponapona e nga tiare, to tetai mangamanga; e mei te reira katoa oki te au mangamanga e ono no taua vairanga lamepa nei.

34 E to runga i te pu o taua vairanga lamepa nei, kia a ïa āriki, mei te sekadi te tu, e to ratou au ponapona, e to ratou au tiare:

35 Ko e rua mangamanga ra, okotai ponapona, i raro ake i te reira, ko e rua oki mangamanga ra, okotai ponapona, i raro ake i te reira, e ko e rua oki mangamanga ra, okotai ponapona, i raro ake i te reira, ko nga mangamanga e ono ïa no taua vairanga lamepa ra.

36 Te au ponapona, e te au mangamanga katoa ra kia okotai ïa manga auro; taua vairanga lamepa katoa ra, kia okotai rai ïa manga auro meitaki tupakiia te reira.

37 E ka anga koe i tona au lamepa e itu ra; ei rungao taua au lamepa ra vai ei, ei akamārama i te au ngai katoa i mua atu ia ratou ra.

38 E tona au pakoti, e tona au āriki pakoti katoa ra, ei auro meitaki ïa.

39 Okotai ake taleni auro meitaki to te vairanga lamepa, e taua au mea katoa ra kia anga koe ra.

40 E akara meitaki ana oki koe kia anga, kia aite ki te tu i akakiteia atu kia koe i runga i te maunga nei.