Numero

7 E TAE akera ki te rā i oti ei te puakapa i akatuia e Mose ra, e oti akera i te akamainuia, e kua akatapuia, e te apinga tini no te reira ra, e te atarau e te au mea katoa no reira, kua oti akera i te akamainuia, e kua akatapuia;

2 Kua apai maira te aronga mamaata i Iseraela ra i te atinga, te aronga mataiapo i te ngutuare o to ratou ai metua, te au tutara no te au kopu ra, ko to rungao i te aronga i tatauia ra: 3 Apai maira ratou i ta ratou atinga kia Iehova ra, e ono kariota tapokiia ra, e nga puakatoro okotai ngauru ma rua; okotai kariota toko rua tutara, okotai oki pua katoro okotai tutara e pini ua ake; e kua apai mai ratou i taua au mea ra ki mua ake i te puakapa ra. 4 Kua tuatua mairā Iehova kia Mose, na ko maira,

5 Ka rave i tenana au mea ia ratou, no te au angaanga i te Are uipaanga; e naau e apai atu ki te ngati Levi ra, kia tau tikai ki ta te au tangata katoa ra angaanga. 6 Kua rave iorā Mose i taua au kariota ra, e te au puakatoro, e apai atura na te au ngati Levi ra.

7 Ko e rua kariota ra, ko e a oki puakatoro, tuku atura aia i te reira na te au tamariki a Geresona ra, i ta ratou angaanga: 8 Ko e a kariota ra, e ko e varu puakatoro ra, tuku atura aia i te reira na te au tamariki a Merari ra, i ta ratou angaanga, i raro ake ia Itamara, te tamaiti a Aarona taunga ra. 9 Kareka ki te au tamariki a Kohata ra, kare ua aia i apai i ta ratou: no te mea ko te angaanga i te ngai-tapu ra ta ratou, e amo ua ratou i ta ratou ki runga i te pakuivi. 10 Kua apai maira te ui tutara i ta ratou no te akatapu anga i te atarau, i te rā i akatainuiaʼi, apai katoa maira oki te ui tutara i ta ratou atinga ki mua i te atarau. 11 Kua tuatua mairā Iehova kia Mose, E vaoo atu kia apai ua mai ana ratou i ta ratou atinga, ko te tutara ko tona rā, e pini ua ake, no te akatapu anga i te atarau ra.

12 E ko tei apai mai i tana atinga i te rā mua ra, ko Naasona ïa, te tamaiti a Aminadaba, te tutara o te kopu o Iuda ra: 13 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 14 Okotai kapu auro, okotai ngauru sekela, kua ki oki i te atinga kakara. 15 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio: 16 Okotai puakanio ei tarangaara:

17 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Naasona te tamaiti a Aminadaba atinga te reira.

18 E tae akera ki te rua o te rā, kua apai mairā Netaneela, te tamaiti a Zuara, te tutara i Isakara ra: 19 Tera tana atinga i apai, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 20 Okotai kapu auro, okotai ngauru sekela, kua ki i te atinga kakara: 21 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

22 Okotai puakanio ei tarangaara:

23 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Netaneela te tamaiti a Zuara ïa atinga te reira. 24 E tae akera ki te toru o te rā, kua apai mairā Eliaba, te tamaiti a Helona, te tutara o te tamariki a Zebuluna ra: 25 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 26 Okotai kapu auro, okotai ngauru sekela, kua ki i te atinga kakara: 27 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

28 Okotai puakanio ei tarangaara:

29 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Eliada te tamaiti a Helona ïa atinga te reira 30 E tae akera ki te a o te rā, kua apai mairā Elizura, te tamaiti a Sedeura, te tutara o te tamariki a Reubena: 31 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 32 Okotai kapu auro, okotai ngauru sekela, kua ki oki i te atinga kakara: 33 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

34 Okotai puakanio ei tarangaara:

35 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Elizura te tamaiti a Sedeura ïa atinga te reira.

36 E tae akera ki te rima o te rā ra, kua apai mairā Selumiela, te tamaiti a Zurisadai, te tutara o te tamariki a Simeona ra: 37 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 38 Okotai kapu auro, okotai ngauru sekela, kua ki oki i te atinga kakara: 39 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

40 Okotai puakanio ei tarangaara:

41 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Selumiela te tamaiti a Zurisadai ïa atinga te reira.

42 E tae akera ki te ono o te rā ra, kua apai mairā Eliasapha, te tamaiti a Deuela, te tutara o te tamariki a Gada ra: 43 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 44 Okotai kapu auro, okotai ngauru sekela, kua ki oki i te atinga kakara: 45 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

46 Okotai puakanio ei tarangaara:

47 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Eliasapha te tamaiti a Deuela ïa atinga te reira.

48 E tae akera ki te itu o te rā ra, kua apai mairā Elisama, te tamaiti a Amiuda, te tutara o te tamariki a Epheraima ra: 49 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 50 Okotai kapu auro, okotai ngauru sekela, kua ki oki i te atinga kakara: 51 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

52 Okotai puakanio ei tarangaara:

53 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Elisama te tamaiti a Amiuda ïa atinga te reira.

54 E tae akera ki te varu o te rā ra, kua apai mairā Gamaliela, te tamaiti a Pedazura, te tutara o te tamariki a Manase ra: 55 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 56 Okotai kapu auro, okotai ngauru sekela, kua ki oki i te atinga kakara: 57 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

58 Okotai puakanio ei tarangaara:

59 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Gamaliela te tamaiti a Pedazura ïa atinga te reira.

60 E tae akera ki te iva o te rā ra, kua apai mairā Abidana, te tamaiti a Gideoni, te tutara o te tamariki a Beniamina ra: 61 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 62 Okotai kapu auro, okotai ngauru sekela, kua ki oki i te atinga kakara: 63 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

64 Okotai puakanio ei tarangaara:

65 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Abidana te tamaiti a Gideoni ïa atinga te reira.

66 E tae akera ki te ngauru o te rā ra, kua apai mairā Ahiezera, te tamaiti a Amisadai, te tutara o te tamariki a Dana ra: 67 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 68 Okotai kapu auro, okotai ngauru sekela, kua ki oki i te atinga kakara: 69 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

70 Okotai puakanio ei tarangaara:

71 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Ahiezera te tamaiti a Amisadai ïa atinga te reira.

72 E tae akera ki te ngauru mai tai o te rā ra, kua apai mairā Pagiela, te tamaiti a Okarana, te tutara o te tamariki a Asera ra: 73 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 74 Okotai kapu auro, okotai ngauru sekela, kua ki oki i te atinga kakara: 75 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

76 Okotai puakanio ei tarangaara:

77 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Pagiela te tamaiti a Okarana ïa atinga te reira.

78 E tae akera ki te ngauru ma rua o te rā ra, kua apai mairā Ahira, te tamaiti a Enana, te tutara o te tamariki a Naphatali ra: 79 Tera tana atinga, okotai mereki ario, okotai anere e toru ngauru sekela kia aite, okotai kapu ario, e itu ïa ngauru sekela, i te sekela i te ngai-tapu ra; kua ki katoa i te faraoa pueu i irokia ki te inu ei atinga kai: 80 Okotai kapu auro, okotai ngauru sekela, kua ki oki i te atinga kakara: 81 Okotai puakatoro ou, okotai mamoe toa, okotai punua mamoe mataiti okotai, ei atinga karakaratio:

82 Okotai puakanio ei tarangaara:

83 E rua oki puakatoro, e rima mamoe toa, e rima puakanio toa, e rima punua mamoe mataiti okotai, ei atinga au ïa: ko ta Ahira te tamaiti a Enana ïa atinga te reira.

84 Ko nga apinga akatapu atarau ra teia, i te rā i akatainuiaʼi, na te aronga tutara i Iseraela nei; okotai ngauru ma rua mereki ario, okotai ngauru ma rua kapu ario, okotai ngauru ma rua kapu auro ra: 85 Taki tai anake anere e e toru ngauru sekela i taua au mereki ario katoa ra kia aite, e e itu anake ngauru i taua au kapu ra: e taua au āriki ario katoa ra e rua ïa tausani e a anere sekela te aiteiteanga, i te sekela i te ngai-tapu ra: 86 E nga kapu auro okotai ngauru ma rua, i ki i te atinga kakara ra, taki tai ngauru anake ïa i te sekela e pini ua ake, i te sekela i te ngai-tapu ra: e te aiteiteanga o taua au kapu auro katoa ra, okotai ïa anere e rua ngauru i te sekela. 87 E te au puaka katoa no te au atinga karakaratio ra, okotai ngauru ma rua puakatoro, okotai ngauru ma rua mamoe toa, okotai ngauru ma rua punua mamoe mataiti okotai ra, e te au atinga kai oki no te reira ra; e te au puakanio tarangaara ra okotai ïa ngauru ma rua. 88 E te au puaka katoa no te au atinga au ra, e rua ïa ngauru puakatoro e a ara, e ono ngauru mamoe toa, e ono ngauru puakanio toa, e ono ngauru punua mamoe mataiti okotai ra. Ko nga atinga akatapu atarau ra teia, i muri ake i te akatainu angaia ra. 89 E kua tae iorā Mose ki rotopu i te Are uipaanga e tuatua kia Iehova ra, kua kite aia i te reo i te tuatua anga mai kiaia i runga i te tapoki i rungao i te aruna kite, i rotopu i nga kerubi ra; i reira tana tuatua anga mai kiaia ra.