Salamo

128 E AO to te aronga katoa i mataku ia Iehova; ko tei aere na tona ra au arataa. 2 Ka kai tikai koe i ta to rima i angaanga ra; e ao toou, e ka meitaki taau. 3 Ka riro taau vaine i toou ra pae are, mei te vine uua ra; e taau au tamariki i te akapini anga i taau ra kaingakai, mei te olive tupu ou ïa. 4 I na, i akaperaia to taua tangata ra meitaki, to tei mataku ia Iehova ra. 5 Na Iehova koe e akameitaki, mei ko mai i Ziona ra; ka kite oki koe i te meitaki anga o Ierusalema, e ope ua atu toou ra puke rā. 6 Ka kite oki koe i te tamariki a to tamariki ra, te au oki i runga ia Iseraela.