Genese

36 TEIA te tuatua ia Esau, koia oki a Edoma.

2 No te au vaine Kanaana ta Esau puke vaine i te rauka anga; ko Ada te tamaine a Elona ngati Heta ra, e ko Aholibama te tamaine a Ana, te tamaine a Zibeona ngati Hevi ra;

3 E ko Basemata te tamaine a Isemaela, e tuaine no Nebaiota.

4 E anau akera ta Ada ia Esau, ko Eliphaza ïa; e anau akera oki ta Basemata, ko Reuela;

5 E anau akera ta Aholibama, ko Ieusa, e ko Iaalama, e ko Kora: ko nga tamariki ïa a Esau, tana i anau i te enua ra i Kanaana.

6 Kua rave akerā Esau i nga vaine nana, e nga tamariki tamaroa, e nga tamaine, e te au tangata katoa o tona ra ngutuare, e tana anana, e te au puaka katoa nana, e te au apinga katoa nana ra, i tei rauka iaia i te enua ra i Kanaana; aere atura aia ki tetai enua, mei mua atu i te aroaro o tona teina ra, ko Iakoba.

7 Kare akera oki i tika ia raua kia noo i te ngai okotai, i te maata anga o to raua apinga; kare raua i o i te enua ta raua i tuitarere ua na, i te rai o ta raua au puaka.

8 Noo aturā Esau i te maunga ra i Seira. Ko Esau ra ko Edoma ïa.

9 Teia oki te tuatua ia Esau, ko te metua o te ngati Edoma i te maunga ra i Seira:

10 Teia te ingoa o te au tamariki tamaroa a Esau ra; ko te tamaiti a te vaine a Esau ra a Ada, ko Eliphaza ïa: te tamaiti a te vaine a Esau ra a Basemata, ko Reuela ïa.

11 Ko ta Eliphaza ra tamariki, ko Temana ïa, e ko Omara, e ko Zepho, e ko Gatama, e ko Kenaza:

12 E ta te tamaiti a Esau ra vaine tavini ta Eliphaza, ko Timena ïa; e anau maira tana ia Eliphaza, ko Amaleka: ko nga mokopuna ïa a te vaine a Esau ra a Ada.

13 Teia oki nga tamariki a Reuela; ko Nahata ïa, e ko Zera, e ko Sama, e ko Miza: ko nga mokupuna ïa a te vaine a Esau ra a Basemata.

14 Teia nga tamariki a Aholibama, te tamaine a Ana, te tamaine a Zibeona, te vaine a Esau ra, ta Esau i anau iaia: ko Ieusa ïa, e ko Iaalama, e ko Kore.

15 Teia te aronga mataiapo i anau i te tamariki a Esau ra; ta te tama mua a Esau ra tamariki ta Eliphaza; ko te mataiapo ra ko Temana, te mataiapo ra ko Omara, te mataiapo ra ko Zepho, te mataiapo ra ko Kenaza,

16 Te mataiapo ra ko Kora, te mataiapo ra ko Gatama, te mataiapo ra ko Amaleka: ko nga mataiapo ïa ta Eliphaza i anau i te enua ra i Edoma; ko nga mokopuna oki eia no Ada.

17 Teia nga tamariki a Reuela te tamaiti a Esau ra; ko te mataiapo ra ko Zera, te mataiapo ra ko Sama, te mataiapo ra ko Miza: ko nga mataiapo ïa ta Reuela i anau i te enua ra i Edoma: ko nga mokopuna ïa a te vaine a Esau ra a Basemata.

18 Teia oki nga tamariki a te vaine a Esau ra a Aholibama; ko te mataiapo ra ko Ieusa, te mataiapo ra ko Iaalama, te mataiapo ra ko Kore: ko nga mataiapo ïa ta te vaine a Esau ra, ta Aholibama te tamaine a Ana, i anau.

19 Ko nga tamariki eia a Esau ra, koia oki ko Edoma, e ko nga mataiapo teia no ratou.

20 Teia nga tamariki a te ngati Hori ra ko Seira, ko tei noo ana i te enua ra; ko Lotana, e ko Sobala, e ko Zibeona, e ko Ana,

21 E ko Disona, e ko Ezera, e ko Disana: ko nga mataiapo ngati Hori ïa, te tamariki na Seira i te enua ra i Edoma.

22 E ta Lotana puke tamariki ra, ko Hori ïa, e ko Hemana; e ko to Lotana tuaine, ko Timena ïa.

23 Teia oki nga tamariki a Sobala; ko Alavana ïa, e ko Manaata, e ko Ebala, e ko Sepho, e ko Onama.

24 Teia oki nga tamariki a Zibeona; ko Aia, e ko Ana: ko taua Ana ra teia i kitea e ia te vai maanaana i te medebara ra, ka tiaki ei aia i te au asini a tona metua ra a Zibeona.

25 Teia oki nga tamariki a Ana; ko Disona, e ko Aholibama, e tamaine na Ana.

26 Teia oki nga tamariki a Disona; ko Hemedana, e ko Esebana, e ko Itarana, e ko Kerana.

27 Teia nga tamariki a Ezera; ko Bilana, e ko Zaavana, e ko Akana.

28 Teia nga tamariki a Disana; ko Uza, e ko Arana.

29 Teia nga mataiapo ngati Hori ra: ko te mataiapo ra ko Lotana, te mataiapo ra ko Sobala, te mataiapo ra ko Zibeona, te mataiapo ra ko Ana,

30 Te mataiapo ra ko Disona, te mataiapo ra ko Ezera, te mataiapo ra ko Disana: ko nga mataiapo ngati Hori teia, no to ratou au mataiapo i te enua ra i Seira.

31 Teia te au ariki i rauka te au i te enua ra i Edoma, kare rai e ariki i rauka te au i runga i te tamariki a Iseraela.

32 Tei ia Bela te tamaiti a Beora te au i Edoma: e te ingoa o tona oire ko Dinaba ïa.

33 Mate Iorā Bela, tupauia akera aia i te au e Iobaba te tamaiti a Zera i Bozara ra.

34 Mate iorā Iobaba, tupauia akera aia i te au e Husama no te enua o te ngati Temani ra.

35 Mate iorā Husama, tupauia akera aia i te au e Hadada te tamaiti a Bedada, i tei ta ia Midiana i te enua ra i Moabi: e te ingoa o tona ra oire, ko Avita ïa.

36 Mate iorā Hadada, tupauia akera aia i te au e Samala i Masareka ra.

37 Mate iorā Samala, tupauia akera aia i te au e Saula i Rehobota i te pae vai ra.

38 Mate iorā Saula, tupauia akera aia i te au e Baala-hana te tamaiti a Akabora ra.

39 Mate iorā Baala-hana te tamaiti a Akabora, tupauia akera aia i te au e Hadara: e te ingoa o tona ra oire, ko Pau ïa: e te ingoa o tana vaine ra ko Metabela, te tamaine a Matereda, te tamaine a Mezahaba.

40 Teia te ingoa o te au mataiapo ta Esau i anau, i to ratou ra au kopu-tangata, e to ratou ra au ngai, e to ratou au ingoa; ko te mataiapo ra ko Timena, e te mataiapo ra ko Alava, te mataiapo ra ko Ieteta,

41 Ko te mataiapo ra ko Aholibama, te mataiapo ra ko Ela, te mataiapo ra ko Pinona,

42 Te mataiapo ra ko Kenaza, te mataiapo ra ko Temana, te mataiapo ra ko Mibizara,

43 Te mataiapo ra ko Magidiela, te mataiapo ra ko Irama: ko te au mataiapo ïa i Edoma, i to ratou ra au kainga, i te enua ta ratou i noo ra. Koia oki ko Esau, ko te metua o te ngati Edoma ra.