Genese
10 KO te tuatua teia i te tamariki a Noa ra, ko Sema, ko Hama, e ko Iapheta: e ta ratou tamariki i anau i muri ake i te diluvi.
2 Ko ta Iapheta ra tamariki tamaroa; ko Gomera ïa, e ko Magoga, e ko Madai, e ko Iavana, e ko Tubala, e ko Meseka, e ko Tirasa.
3 E ko ta Gomera tamariki tamaroa; ko Asekanaza ïa, e ko Riphata, e ko Togarama.
4 E ko ta Iavana tamariki tamaroa; ko Elisa ïa, e ko Taresisa, e ko Kitama, e ko Rodanima.
5 No teianei aronga to te pa enua i motu ke ra; i to ratou au enua, to ratou ravarai au reo ke, to ratou au kopu-tangata ke, e to ratou au iti-tangata ke.
6 E ko ta Hama tamariki tamaroa; ko Kusa ïa, e ko Mizeraima, e ko Phuta, e ko Kanaana.
7 E ko ta Kusa tamariki tamaroa; ko Seba ïa, e ko Havila, e ko Sabata, e ko Raama, e ko Sabateka: e ta Raama tamariki tamaroa; ko Seba ïa, e ko Dedana.
8 E anau akera ta Kusa ko Nimeroda: e riro atura aia ei tangata mana i te ao nei.
9 E riro atura aia ei tangata arumaki ririnui ki mua i te aroaro o Iehova: koia tei karangaia ra e, Mei ia Nimeroda arumaki ririnui ki mua i te aroaro o Iehova ra.
10 E te kapuaanga o tona ra basileia, ko Babela ïa, e ko Ereka, e ko Akada, e ko Kalane, i te enua ra ko Sinara.
11 Mei taua enua ra aere atura aia ki Asura, e akatu iora ia Nineve, e i te oire ra, ko Rehobota, e Kala,
12 E Resina i rotopu ia Nineve e Kala: e oire maata te reira ra.
13 To Mizeraima ra uanga ko te ngati Luda ïa, e te ngati Anumi, e te ngati Lehabi, e te ngati Naphetuhi,
14 E te ngati Patarosa, e te ngati Kaselui, nana te Philiseti, e te ngati Kaphatori.
15 E anau akera ta Kanaana, ko Sidona, ko tana ïa tama mua, e ko Heta,
16 E te ngati Iebusi, e te ngati Amori, e te ngati Giregasi,
17 E te ngati Hevi, e te ngati Araki, e te ngati Sini,
18 E te ngati Aravadi, e te ngati Zemari, e te ngati Hamati: e i muri akera, kua pueurikiriki ke atura te au kopu-tangata ngati Kanaana ra.
19 E to te ngati Kanaana ra kotinga, mei Sidona atu ïa, e tae roa atura ki Gerara e Gaza; e tae roa atura ki Sodoma, e Gomora, e Adama, e Zeboima, e tae ua maira ki Lasa.
20 Ko ta Hama teia puke tamariki, i to ratou au kopu-tangata, to ratou reo, to ratou au enua, e to ratou iti-tangata.
21 E e tamariki katoa ta Sema, ta te tuakana o Iapheta, e metua oki no te au tamariki katoa a Ebera ra,
22 Ko ta Sema puke tamariki tamaroa ra; ko Elama ïa, e ko Asura, e ko Arepakada, e ko Luda, e ko Arama.
23 E ta Arama tamariki tamaroa; ko Uza ïa, e ko Hula, e ko Getera, e o Masa.
24 E anau akera ta Arepakada, ko Sala; e anau akera ta Sala ko Ebera.
25 E anau akera ta Ebera puke tamariki tamaroa toko rua: ko Pelega te ingoa o etai, no te mea tei tona tuatau te kokoti angaia te enua nei; e ko Iokatana te ingoa o tona tuakana.
26 E anau akera ta Iokatana ko Alemoda, e ko Selepha, e ko Hazamaveta, e ko Iera,
27 E ko Adorama, e ko Uzala, e ko Dikela,
28 E ko Obala, e ko Abimaela, e ko Seba,
29 E ko Ophira, e ko Havila, e ko Iobaba; na Iokatana anake ïa tamariki.
30 E to ratou nooanga ra mei Mesa atu ïa, e tae ua atura ki ta maunga ra ko Separa, i te pae i te itinga o te rā ra.
31 Ko ta Sema teia puke tamariki, i to ratou au kopu-tangata, to ratou reo, to ratou au enua, e to ratou iti-tangata.
32 Ko nga kopu-tangata oki teia o nga tamariki a Noa ra, i to ratou anauanga, e i to ratou iti-tangata: ia ratou i motu ke ei te au iti-tangata i te enua nei, i muri ake i te diluvi.