Nehemia
12 TEIA oki te kau taunga e te au ngati Levi i aere katoa mai ratou ko Zerubabela te tamaiti a Salatiela, e ko Iesua: ko Seraia, ko Ieremia, ko Ezera,
2 Ko Amaria, ko Maluka, ko Hatusa,
3 Ko Sekania, ko Rehuma, ko Meremota,
4 Ko Ido, ko Gineto, ko Abia,
5 Ko Miamina, ko Maadia, ko Bilega,
6 Ko Semaia, e ko Ioiariaba, ko Hilikia, ko Iedaia.
.
7 Ko Salu, ko Amoka, ko Hilikia, ko Iedaia. Ko tei maata i te kau taunga ra ïa, e to ratou ai taeake, i te au rā o Iesua ra.
8 E to au ngati Levi: ko Iesua, ko Binui, ko Kadimiela, ko Serebia, ko Iuda, ko Matania, koia e tona ra au taeake, ko tei runga ïa i te akameitaki anga.
9 E ko Bakabukia, e ko Uni, e to raua puke taeake, ko tei rungao ia ratou i te au pupu tiaki.
10 Anau akera ta Iesua ko Ioiakima, anau akera ta Ioiakima ko Eliasiba, e anau akera ta Eliasiba ko Ioiada,
11 Anau akera ta Ioiada ko Ionatana, anau akera ta Ionatana ko Iadua.
12 I te au rā o Ioiakima, te kau taunga mataiapo tutara ra: ta Seraia ra, ko Meraia ïa; ta Ieremia ra, ko Hanania ïa;
13 Ta Ezera ra, ko Mesulama ïa; ta Amaria ra, ko Iehohanana ïa;
14 Ta Meliku ra, ko Ionatana ïa; ta Sebania ra, ko Iosepha ïa;
15 Ta Harima ra, ko Adana ïa; ta Meraiota ra, ko Helekai ïa;
16 Ta Ido ra, ko Zekaria ïa; ta Ginetona ra, ko Mesulama ïa;
17 Ta Abia ra, ko Zikeri ïa; ta Miniamina ra, ta Moadia ra, ko Piletai ïa;
18 Ta Bilega ra, ko Samua ïa; ta Semaia ra, ko Ionatana ïa:
19 Ta Ioiariba ra, ko Matenai ïa; ta Iedaia ra, ko Uzi ïa;
20 Ta Salai ra, ko Kalai ïa; ta Amoka ra, ko Ebera ïa;
21 Ta Hilikia ra, ko Hasabia ïa; ta Iedaia ra, ko Netaneela ïa.
22 Te au ngati Levi i tataia, i te au rā o Eliasiba, o Ioiada, o Iohanana, e o Iadua, e aronga mataiapo tutara: e te kau taunga oki, e tae rava akera ki te au o Dariu i Peresia ra.
23 Te au tamariki a Levi ra, te aronga mataiapo tutara ra, kua tataia ïa i roto i te buka, te tuatua no te au rā ra, e tae rava akera ki te au rā o Iohanana te tamaiti a Eliasiba ra.
24 E te aronga mamaata ngati Levi ra: ko Hazabia ïa, ko Serebia, e ko Iesua te tamaiti a Kadimiela, e to ratou ai taeake ko tei anga mai kia ratou, ei akapaapaa, e ei akameitaki, i te akauenga oki a te tangata o te Atua ra a Davida, i tera pupu i tera pupu .
25 Ko Matania ïa, e ko Bakabukia, ko Obadia, ko Mesulama, ko Talamona, ko Akuba, e aronga tiaki ngutupa ïa, ko tei tiaki i te pupu i te tomoanga i te au ngutupa ra.
26 Kua ora taua aronga ra i te au rā o Ioiakima te tamaiti a Iesua, te tamaiti a Ioadaka, e te au rā oki o te tutara ra o Nehemia, e no Ezera taunga tata tuatua ra.
27 E tae akera ki te akatapu anga i te patu o Ierusalema, kua kimi ratou, e kua arataki mai i te au ngati Levi, mei te au ngai katoa i nooia e ratou ra, ki Ierusalema, kia akono ratou i taua akatapu anga ra ma te rekareka, ma te akameitaki, ma te imene, ma te au sumebalo, te au nabala, e te au kinura.
28 E te au tamariki a te aronga imene ra, kua akaputuputu mai ratou uaorai, mei te ngai mataataa e pini ua ake Ierusalema, e mei te au vila i te au Netopha;
29 E mei te are ra mei Gilagala, e mei te au kainga i Geba ra e Azamaveta: kua akatu oki taua aronga imene ra i te au vila no ratou e pini ua ake Ierusalema.
30 Kua tamā iora te kau taunga e te au ngati Levi ia ratou uaorai; e kua tamā iora oki i te au tangata, e te au ngutupa, e te patu.
31 Kua arataki atura au i te ui mataiapo o Iuda ki runga i taua patu ra, e kua akataka atura au i e rua pupu mamaata ei akameitaki, kua aere iora tetai pupu na runga i te patu na te pae katau, na te pae ki te ngutupa repo ra:
32 E muri ake ia ratou ra, ko Hosaia, e tetai pae mataiapo no Iuda,
33 E ko Azariak ko Ezera, e ko Mesulama,
34 Ko Iuda, e ko Beniamina, e ko Semaia, e ko Ieremia,
35 E tetai pae tamariki tamaroa a te kau taunga ra ma te au pu katoa; koia ko Zekaria te tamaiti a Ionatana, te tamaiti a Semaia, te tamaiti a Matania, te tamaiti a Mikaia, te tamaiti a Zakura, te tamaiti a Asapha:
36 E tona au taeake, ko Semaia, e ko Azaraela, ko Milalai, ko Gilalai, ko Maai, ko Netaneela, e ko Iuda, ko Hanani, ma te au taoonga akatangiia a te tangata no te Atua ra a Davida, e ko Ezera tata tuatua tei na mua ia ratou.
37 E tae akera ki te ngutupa vai puna, tei anga tika mai kia ratou, kua aere iora ratou na te ara nukanuka i te oire o Davida, na runga i te patu, i runga atu i te are o Davida, e tae ua akera ki te ngutupa vai i te pae i te itinga o te rā ra.
38 Kua aere iora tetai pupu i anga akera kia ratou, ei akameitaki, e ko au i muri ake ia ratou, e tetai pae o te au tangata i runga i te patu ra, mei te punanga o te au umu maira, e tae ua akera ki te patu pararauare ra;
39 E mei runga mai i te ngutupa i Epheraima ra, e mei runga mai i te ngutupa takere, mei runga mai i te ngutupa ika ra, e te punanga i o Hananeela, e te punanga o Mea ra, e tae ua atura ki te ngutupa mamoe ra: e tu ua akera ratou i te ngutupa i te are tapeka anga ra.
40 Kua tu ua iora aua nga pupu e rua ra ei akameitaki i roto i te are o te Atua, ko au, e tetai pae o te aronga tutara katoa ra:
41 E te kau taunga ra; ko Eliakima, ko Maaseia, ko Miniamina, ko Mikaia, ko Elioenai, ko Zekaria, e ko Hanania, ma te pu anake;
42 E ko Maaseia, e ko Semaia, e ko Eleazara, e ko Uzi, e ko Iehohanana, e ko Malekia, e ko Elama, e ko Ezera. E te aronga imene ra kua imene ma te reo teitei, e ko Iezerahia to ratou akamaroiroi.
43 E atinga maata oki tei apaiia e ratou i taua rā ra, e kua rekareka; na te Atua oki ratou i akarekareka ma te rekareka maata: kua mareka katoa te au vaine e te au tamariki: e tei te mamao ke ra te rekareka o Ierusalema i te akarongo angaia mai.
44 Kua akonoia tetai pae i reira no runga i te au pia vairanga apinga ra, no te au mea i apaiia ra, no te popo e no te ngauru, ei akaputuputu i roto i taua au pia ra, i to roto i te au kainga i te au oire, te au tuanga i akonoia e te ture na te au kau taunga, e te au ngati Levi: rekareka akera oki Iuda i te mea te tu maira te kau taunga e te au ngati Levi ra.
45 E kua akono atura te aronga imene e te au tiaki ngutupa ra, i te mea e tau no te akamori anga i to ratou Atua, e to te tamā anga, tei akaueia mai e Davida, e tana tamaiti e Solomona.
46 Tei te au rā oki o Davida e Asapha taito ra, i akonoiaʼi te rangatira o te aronga imene, ei imene i te akapaapaa e te akameitaki i te Atua.
47 E kua oronga mai to Iseraela ravarai i te au tuanga, ko te rā ko tana tuanga i te au rā katoa ra, na te aronga imene e te au tiaki ngutupa, i te au rā o Zerubabela, e te au rā o Nehemia: e te au mea tapu ra kua akataka ïa na te ngati Levi; e kua akataka te ngati Levi na te au tamariki a Aarona ra.