Exodo

8 KUA tuatua mairā Iehova kia Mose, Ka aere kia Pharao ra, e karanga atu kiaia e, Te na ko mairā Iehova, E tuku mai koe i toku au tangata, kia akamori mai ratou iaku.

2 Kia kore koe e tuku mai ia ratou, i na, ka taia e au toou enua katoa ki te rana:

3 E ka na raro mai i te vai te rana e manganui, e ka aere mai ratou ki runga, e ka tomo ki roto i to are, e ki roto i to pia moe, e ki runga i to roi, e ki roto katoa i te are o to au tavini, e te au tangata noou ra, e ki roto katoa i te au umu aau, e ki roto katoa i to au oinga kai ra;

4 E ka tae roa te rana ki runga katoa ia koe, e ki runga katoa i to au tangata, e ki runga i toou au tavini ravarai.

5 Kua tuatua mairā Iehova kia Mose, Ka tuatua na kia Aerona,Aarona, Ka akatika ana i toou rima e toou rakau katoa ki rungao i te au vai peka, ki rungao i te au kauvai, e ki rungao i te au vai puna, kia tae mai te rana ki rungao i te enua nei i Aiphiti.

6 Kua akatika aturā Aarona i tona rima ki rungao i te au vai o Aiphiti; e kua aere maira te rana ki runga, e ngaro rava akera taua enua ra ko Aiphiti.

7 E mei te reira katoa ta te au purepure i rave i ta ratou ravenga ngaro, e kua tae mai te rana ki rungao i taua enua ra ko Aiphiti.

8 Kua tuatua mairā Pharao kia Mose raua ko Aarona, na ko maira, E tautopa korua ia Iehova, kia apai ke aia i teianei rana iaku, e te au tangata noku; e ka tuku au i te au tangata nei, kia apai ratou i te atinga na Iehova ra.

9 Kua karanga aturā Mose kia Pharao, Tei ia koe te tuatua iaku nei, e akakite mai ana it e tuatau kia tautopa au ia Iehova ia koe, e toou au tavini, e toou au tangata ; kia raveia te rana ia koe na, e toou au are na, kia mate, e kia vaoo ua ki raro i te vai anake ra.

10 Kua tuatua maira aia, Apopo. Kua karanga atura aia, Ko taau i tuatua mai na, koia ïa, kia kite oki koe e, kare rava e aite ki to matou Atua kia Iehova.

11 Ka riro ke oki te rana i o ou na, e i te au are noou, e i toou au tavini, e te au tangata noou na; e ei raro i te vai anake ratou vai ei.

12 Kua aere ke mairā Mose raua ko Aarona ki vao mei mua mai ia Pharao: kua tautopa aturā Mose ia Iehova i te rana tana i apai atu kia Pharao ra.

13 Kua akatika mairā Iehova i te tuatua a Mose; e mate iora te rana, to te au are, to te au vila, e to te au kainga.

14 Kua akaputuputu aere ratou i te rana kia ututua; e aunga kino atura te enua.

15 Kia akara akerā Pharao e, kua akaroaia te aʼo, kua akaketaketa rai aia i tona ngakau, kare akerai i akarongo ia raua; ko ta Iehova rai oki i tuatua maira.

16 Kua tuatua mairā Iehova kia Mose, Ka tuatua ana kia Aarona, Ka akatika ana i toou rakau, e ta i te one-pueu o te enua nei, kia riro ei kutu e pini ua ake te enua katoa nei ko Aiphiti.

17 E kua pera oki raua; kua akatika iorā Aarona i tona rima ma tana rakau, kua ta i te one-pueu o te enua ra, e kua riro atura ei kutu ki runga i te tangata, e ki runga katoa i te puaka; kua riro iora te one-pueu katoa i te enua ra ei kutu, e pini ua akera taua enua ra ko Aiphiti.

18 E kua akapera iora oki te au purepure i te apai katoa mai i te kutu, i ta ratou ra ravenga ngaro, e kare akera i tika ia ratou: tei runga katoa i te puaka.

19 Kua tuatua akera te au purepure kia Pharao i reira, Ko te rima teia no te Atua: te vai ketaketa ua rai te ngakau o Pharao, kare rai aia i akarongo ia ratou; ko ta Iehova rai oki i tuatua maira.

20 Kua tuatua mairā Iehova kia Mose, E tu koe ki runga i te popongi roa, e aere ki mua i te aroaro o Pharao; i na, te aere maira ki te vai ra, ka karanga atu ei kiaia, Te na ko mairā Iehova, E tuku mai koe i toku au tangata, kia akamori mai ratou iaku.

21 Kia kore ra koe e tuku mai i toku au tangata, i na, ka apai atu au i te rangi tu ke ki rungao ia koe, e ki rungao i toou au tavini, e ki rungao i toou ra au tangata, e ki roto i to au are ra: e ka ki te au are o to Aiphiti ki te rango, e te one katoa e tuia e ratou ra.

22 E ei taua rā ra, e akatakaʼi au i te enua nei ko Gosena, i nooia e toku au tangata ra, kare rava tetai rango e kitea ki reira; kia kite oki koe e, ko Iehova au i rotopu i te enua nei.

23 E ka akataka ke au i toku au tangata, e toou au tangata: apopo nei rai taua akairo nei.

24 E kua pera oki a Iehova; e kua aere maira te urupu maata rango ki roto i te are o Pharao, e ki roto i te au are o tona au tavini, e ki runga katoao i te enua ra ko Aiphiti: kino roa akera te enua i te rango.

25 Kua tuatua mairā Pharao kia Mose raua ko Aarona, na ko maira, Ka aere, ka apai i te atinga ki to kotou Atua i ko nei i te enua nei.

26 Kua karanga atura rā Mose, Kare e tika kia pera; ko ta matou oki atinga e apai nei na to matou Atua na Iehova, e mea rikarika ïa i to Aiphiti nei: i na, ka apai ainei matou i te atinga rikarika na to Aiphiti nei i mua tikai i to ratou mata, e kare ainei ratou e peî mai ia matou ki te toka?

27 E aere ua ana matou ki te medebara, e kia po toru i te aerenga, ka apai ei matou i te atinga na to matou Atua na Iehova, i tana e akaue mai kia matou ra.

28 Kua tuatua mairā Pharao, E tuku au ia kotou, kia apai kotou i te atinga na to kotou Atua na Iehova ki te medebara ra; auraka ra ei ngai mamao kia aere: e tautopa korua ia Iehova noku.

29 Kua karanga aturā Mose, I na, te aere nei au ki vao, e naku e tautopa ia Iehova, kia akaruke mai te rango ia Pharao, e tona au tavini, e tona au tangata, apopo; auraka rā Pharao e pikikaa akaou mai, mei te mea kare e tuku i te au tangata nei kia apai ratou i te atinga na Iehova ra.

30 Kua aere mairā Mose i reira ki vao mei mua mai ia Pharao ra, kua tautopa iora ia Iehova.

31 Kua akatika mairā Iehova i te tuatua a Mose; e kua apai ke atura aia i te rango ia Pharao ra, e tona au tavini, e tona au tangata; kare rava i toe e okotai iti ake.

32 Kua akapaketaketa aturā Pharao i tona ngakau, i taua tuatau rai, e kare i tuku i taua au tangata ra kia aere.