Salamo

136 E AKAMEITAKI ia Iehova, e meitaki oki tona: ka tu oki tona aroa e rimua. 2 E akameitaki i te Atua no te au atua ra: ka tu oki tona aroa e rimua. 3 E akameitaki i te Atu o te au atu ra: ka tu oki tona aroa e rimua: 4 Iaia, nana anake te au ravenga taka ke roa: ka tu oki tona aroa e rimua: 5 Iaia, ko tei anga i te au rangi i tona ra pakari: ka tu oki tona aroa e rimua. 6 Ko tei oora i te enua na runga i te moana: ka tu oki tona aroa e rimua. 7 Ko tei anga i nga turama mamaata ra: ka tu oki tona aroa e rimua: 8 I te rā ei tutara i te ao ra: ka tu oki tona aroa e rimua: 9 I te marama e te au etu ei tutara i te po: ka tu oki tona aroa e rimua. 10 Ko tei ta i te au tama mua i Aiphiti ra: ka tu oki tona aroa e rimua: 11 E kua arataki maira ia Iseraela mei roto ia ratou: ka tu oki tona aroa e rimua: 12 Ma te rima marōrō e te rima akatikaia: ka tu oki tona aroa e rimua. 13 Ko tei vaʼi rua i te Tai Muramura ra: ka tu oki tona aroa e rimua: 14 E kua arataki ia Iseraela na roto ra: ka tu oki tona aroa e rimua. 15 Kua ruru ngaoro atura ra ia Pharao, e tana ra nuku i te Tai Muramura ra: ka tu oki tona aroa e rimua. 16 Ko tei arataki i tona ra tangata na roto i te medebara: ka tu oki tona aroa e rimua. 17 Ko tei ta i te au ariki mana ra: ka tu oki tona aroa e rimua. 18 E kua tamate rava i te ui ariki mamaata: ka tu oki tona aroa e rimua: 19 Ko Sihona, ariki no Amori: ka tu oki tona aroa e rimua: 20 E ko Oga, ariki no Basana: ka tu oki tona aroa e rimua: 21 E kua oronga i to ratou enua ei tuanga: ka tu oki tona aroa e rimua: 22 Ei tuanga na tona ra tavini na Iseraela: ka tu oki tona aroa e rimua. 23 Kua manako mai aia ia tatou i to tatou akaaka anga: ka tu oki tona aroa e rimua. 24 E kua akaora ia tatou i to tatou au enemi: ka tu oki tona aroa e rimua. 25 Nana i oronga mai i te kai ki te au mea katoa nei: ka tu oki tona aroa e rimua. 26 E akameitaki i te Atua o te au rangi ra: ka tu oki tona aroa e rimua.