Zekaria

13 I TAUA rā ra e eeuiaʼi tetai punavai, no te ngutuare o Davida, e no tei noo i Ierusalema, no te ara, e no te viivii.

2 E riro oki i taua rā ra, te tuatua mairā Iehova Sabaota ra, e tipu keia e au te au ingoa o te au idolo i runga i te enua nei; kare oki ratou e maara akaouia: e te au peroveta, e te vaerua viivii ra, e akakoreia e au i runga i te enua nei.

3 E riro oki, kia māro rai te tangata i te totou, ei reira tona metua tane e tona metua vaine i anau ei aia ra, e karanga atura ei kiaia, Kare koe e ora; e pikikaa oki taau i tuatua na i te ingoa o Iehova: e na tona metua tane e tona metua vaine, i anau ei aia ra, e ko iaia me totou aia ra.

4 E kia tae i taua rā ra, e akama anake te au peroveta ra, te tangata katoa ki tana uaorai orama, kia totou aia ra; kare oki i tika kia ao ratou i te kakau uruuru ei pikikaa anga;

5 E tuatua anake ratou e, Kare au i te peroveta, e tangata tanu-kai au; e unga oki au mei toku ou anga mairai,

6 E na tetai e ui kiaia e, Eaa oki terao au puta i roto i to rima na? e nana e tuatua mai e, Ko nga puta ïa i putaʼi au i te are o taku au oa ra.

7 Ka ara, e te koke e, i te tiaki mamoe naku ra, i te tangata i te tokorua noku ra, te ngata i te tokorua noku ra, te tuatua mairā Iehova Sabaota ra: ka ta i te tiaki, e ka pueurikiriki ke atura ïa te au mamoe, e akaoki maira au i taku rima ki te aronga mea riki ra.

8 E riro oki i te tupu ki runga i te enua katoa nei, te tuatua mairā Iehova, e rua papaki i reira e tipuia e mate atu; kareka te toru ka vaooia ïa i reira.

9 E arataki mai au i te toru o te tuanga na roto i te ai, e e tamā au ia ratou mei te ario i tamāia ra, e e timata au ia ratou mei te auro i timataia ra; e kapiki mai ratou i toku nei ingoa, e naku ratou e akarongo atu: naku e tuatua e, E e tangata ratou noku: e na ratou e tuatua e, Ko Iehova to matou Atua.