Numero

10 KUA tuatua mairā Iehova kia Mose, na ko maira,

2 E anga koe i e rua ake pu ario, ei mea tupakiia kia anga koe ra, ei akaputuputu anga naau te uipaanga, e no te au puakapa oki kia aere ra.

3 E kia akatangi ratou i aua nga pu ra, e akaputuputu mai te uipaanga katoa kia koe ra, i te ngutupa o te Are uipaanga ra. 4 E kia akatangi ratou i te pu okotai ra, ko te au tutara ïa no rungao i te au tausani i Iseraela nei, te ka akaputuputu mai kia koe ra. 5 E tangi akateateamamao ta kotou e akatangi ra, ei reira te au puakapa i vai i te pae i te itinga o te rā ra ka aere ei.

6 E kia tae ki te rua o te tangi akateateamamao ta kotou e akatangi ra, ei reira te au puakapa i vai i te pae i apatonga ra ka aere ei: e tangi akateateamamao ta ratou e akatangi i to ratou au aerenga.

7 Kareka kia akaputuputuia mai te uipaanga ra, e akatangi rai oki kotou, auraka ra te tangi akateateamamao ra e akatangiia.

8 Ko nga tamariki a Aarona taunga oki te ka akatangi i aua nga pu ra; ei akonoanga mou ïa te reira na kotou e ope ua ake to kotou au uki ra.

9 E kia aere kotou ki te tamariki i te enemi i takinga-kino mai ia kotou i to kotou enua, e akatangi kotou i te tangi akateateamamao i aua nga pu ra; e ka manakoia mai kotou ki mua i te aroaro o to kotou Atua ra o Iehova, e ka akaoraia kotou i to kotou au enemi.

10 E te au rā rekareka anga no kotou ra, e i te au rā kainga-kai ra, e to kotou au marama ou ra, ka akatangi rai kotou i te au pu, kia apai kotou i ta kotou au atinga karakaratio, e ta kotou au atinga au ra; e ka riro oki te reira ei manakoanga ia kotou ki mua i te aroaro o to kotou Atua ra: ko au to kotou Atua ra ko Iehova. 11 E tae akera ki te rua ngauru o te rā i te rua o te marama ra, e te rua oki o te mataiti, apaiia akera taua tumurangi i rungao i te puakapa kite ra ki runga. 12 E kua aere maira te tamariki a Iseraela mei taua medebara maira mei Sinai; e kua noo iora taua tumurangi ra i te medebara ra i Parana.

13 Ko te muatangana ïa o to ratou aerenga i ta Iehova i akaue ia Mose ra.

14 Ko mua ra, ko te reva ïa o te puakapa tamariki a Iuda ra i to ratou au nuku; e to rungao i to ratou nuku, ko Naasona ïa te tamaiti a Aminadaba.

15 E to rungao i te nuku ra i te kopu tamariki a Isakara ra, ko Netaneela ïa te tamaiti a Zuara.

16 E to rungao i te nuku ra i te kopu tamariki a Zebuluna ra, ko Eliaba ïa te tamaiti a Helona.

17 Tukuia iora te puakapa ki raro; e kua aere iora te au tamariki a Geresona, e te au tamariki a Merari, ma te puakapa katoa i te apai anga.

18 Kua maranga akera te reva o te puakapa nuku a Reubena i to ratou au nuku ra; e to rungao i to ratou nuku, ko Elizura ïa te tamaiti a Sedeura.

19 E to rungao i te nuku ra i te kopu tamariki a Simeona ra, ko Selumiela ïa te tamaiti a Zurisadai.

20 E to rungao i te nuku ra i te kopu tamariki a Gada ra, ko Eliasapha ïa te tamaiti a Deuela.

21 Kua aere iora te ngati Kohata ma te ngai-tapu ra i te apai anga; e tetai pae ra kua akatu ratou i te puakapa ka rokoia mai ei e ratou ra. 22 E kua maranga akera te reva o te puakapa tamariki a Epheraima ra, i to ratou au nuku ra; e to rungao i to ratou nuku, ko Elisama ïa te tamaiti a Amiuda.

23 E to rungao i te nuku ra i te kopu tamariki a Manase ra, ko Gamaliela ïa te tamaiti a Pedazura.

24 E to rungao i te nuku ra i te kopu tamariki a Beniamina, ko Abidana ïa te tamaiti a Gideoni.

25 E i muri roa ake i te au puakapa katoa ra, kua maranga akera te reva o te puakapa tamariki a Dana ra, i to ratou au nuku; e to rungao i to ratou nuku, ko Ahiezera ïa te tamaiti a Amisadai.

26 E to rungao i te nuku ra i te kopu tamariki a Asera ra, ko Pagiela ïa te tamaiti a Okarana.

27 E to rungao i te nuku ra i te kopu tamariki a Naphatali ra, ko Ahira ïa te tamaiti a Enana.

28 I pera to te tamariki a Iseraela aerenga i to ratou au nuku, ka aere ei ratou ra.

29 Kua karanga aturā Mose kia Hobaba, te tamaiti a Reuela ngati Midiana, te metua ongoai o Mose ra, Te aere nei matou ki te ngai ta Iehova i tuatua mai e, E oronga ïa au no kotou: e aere katoa tatou, e na matou e takinga-meitaki atu ia koe; e mea meitaki oki tei tuatuaia maira e Iehova ia Iseraela nei.

30 Kua tuatua maira ra aia kiaia, Kare au e tae; e aere ra au ki toku uaorai enua ra, e ki toku kopu-tangata ra.

31 Kua karanga atura aia, Tera taku tuatua kia koe, auraka koe e akaruke ia matou; kua kite oki koe i te ngai e tau kia puakapa matou i te medebara ra, ka riro oki koe ei mata no matou. 32 E kia tika ia koe i te aere katoa ra, e riro matou i te oronga katoa noou i te au mea memeitaki, ta Iehova e oronga mai no matou nei. 33 Aere maira ratou mei te maunga o Iehova maira, e po toru akera i te aerenga: e na mua te aruna koreromotu a Iehova ra ia ratou i taua aerenga ra, e toru katoa po, e kimi i tetai akaangaroianga no ratou ra.

34 E tei runga ia ratou taua tumurangi a Iehova ra i te ao, ia ratou i aere mai mei te puakapa maira.

35 E kia aere te aruna ra, kua tuatua akerā Mose, Ka tu ki runga, e Iehova e, e kia pueurikiriki ke to au enemi; e te aronga tau kore ia koe ra, kia ati anakeia ïa ki mua i koe.

36 E kia noo ra, kua tuatua akera aia, E oki mai koe, e Iehova, ki te au tausani e manganui o Iseraela nei.