Salamo

43 E MAKITORO mai koe iaku, e taku Atua, e akatika mai i taku tuatua, i te enua aroa kore nei; kia ora oki au ia koe i te tangata pikikaa e te tuatua-tika kore.

2 Ko koe oki te Atua o toku nei maroiroi; eaa koe i akaruke ei iaku? eaa au ka aue aere ei i te takinga-kino o te enemi nei?

3 E akakite ua mai i to mārama e te tuatua-mou; e na te reira e arataki iaku nei; kia aratakiia au e te reira ki to maunga tapu, e ki to au puakapa ra.

4 Ei reira au e akavaitata atu ei ki te atarau a te Atua, ki te Atua, toku nei rekareka maata ua atu: e ka akameitaki au ia koe ma te kinura, e te Atua, e taku Atua.

5 Eaa koe i taitaiaʼi, e taku vaerua? eaa koe i ngarepurepu ei i roto iaku nei? e irinaki i te Atua; ka akameitaki rai au iaia, ei ora ïa no toku nei mata, e ei Atua noku.