Iosua

21 KUA aere maira te aronga mataiapo tutara o te ngati Levi ra kia Eleazara taunga ra, e kia Iosua te tamaiti a Nuna ra, e te aronga mataiapo tutara no te au kopu o te tamariki a Iseraela ra;

2 E kua tuatua maira ratou kia ratou i Silo, i te enua ra ko Kanaana, na ko maira, Kua akaue mai a Iehova ia Mose kia orongaia mai te oire no matou ei nooanga, e to reira au kainga katoa i vao ake, no ta matou au puaka.

3 Kua oronga atura te tamariki a Iseraela i teianei au oire ma to reira au kainga katoa i vao ake no te ngati Levi, no roto i ta ratou tuanga, ta Iehova oki i akaue maira.

4 E kua taka iora te kelero mua, no te au kopu-tangata ngati Kohata ïa; rauka iora i te kelero ta te ngati Levi, ta te tamariki Aarona taunga, nga oire okotai ngauru ma toru no te kopu o Iuda, e no te kopu o Simeona, e no te kopu o Beniamina.

5 E tetai pae tamariki no taua au ngati Kohata, rauka iora ta ratou i te kelero, okotai ngauru ïa oire, no te au kopu-tangata o te kopu o Epheraima, e no te kopu o Dana, e no te kopu veenga o Manase ra.

6 E rauka iora ta te tamariki a Geresona i te kelero, okotai ngauru ma toru au oire, no roto i te au kopu-tangata o te kopu o Isakara, e no roto i te kopu o Asera, e no roto i te kopu o Naphatali, e no roto i te kopu veenga o Manase i Basana.

7 E ta te tamariki a Merari i to ratou au kopu-tangata, okotai ngauru ma rua au oire, no roto i te kopu o Reubena, e no roto i te kopu o Gada, e no roto i te kopu o Zebuluna.

8 Ko ta te tamariki a Iseraela au oire teia i oronga keleroia atu, ma to reira au kainga katoa i vao ake, na te ngati Levi, ko ta Iehova i akaue mai ia Mose.

9 E kua oronga atura ratou i teianei au oire i akakiteia i te ingoa nei, no roto i te kopu o te tamariki a Iuda ra, e no roto i te kopu o te tamariki a Simeona ra;

10 Tei te tamariki a Aarona no te au kopu-tangata ngati Kohata, no te au tamariki a Levi ra; ko ta ratou oki te kelero mua ra.

11 Kua apai atura ratou i te oire o te metua o Anaka ra ko Araba, ma to reira au kainga katoa i vao ake, no ratou, koia oki Heberona, tei te ngai maunga o Iuda:

12 Kareka te au kainga e te au vila no taua oire ra, kua orongaia e ratou te reira, tei ia Kaleba te tamaiti a Iephune ïa, ei tuanga nana.

13 Ko ta ratou ïa i oronga na te tamariki a Aarona taunga, ko Heberona, ei oire akapuanga no te ta tangata ra, e to reira au kainga i vao ake, e ko Libena e to reira au kainga i vao ake,

14 E ko Iatira e to reira au kainga i vao ake, e ko Esetemoa e to reira au kainga i vao ake,

15 E ko Holona e to reira au kainga i vao ake, e ko Debira e to reira au kainga i vao ake,

16 E ko Aina e to reira au kainga i vao ake, e ko Iuta e to reira au kainga i vao ake, e ko Bete-semesa e to reira au kainga i vao ake: e iva ïa puke oire no eianei ïa nga kopu toko rua nei.

17 E no roto i te kopu o Beniamina, ko Gibeona ïa e to reira au kainga i vao ake, e ko Geba e to reira au kainga i vao ake,

18 E ko Anatota e to reira au kainga i vao ake, e ko Alamona e to reira au kainga i vao ake: e a ïa puke oire.

19 Te au oire ravarai no taua au tamariki a Aarona, te kau taunga ra, okotai ïa ngauru e toru ara oire e to reira au kainga katoa i vao ake.

20 E te au kopu-tangata ra i te tamariki a Kohata, i te ngati Levi i toe i taua au tamariki a Kohata ra, i rauka katoa to ratou au oire kelero no roto i te kopu o Epheraima ra.

21 Oronga atura ratou ia Sekema no ratou, ei oire akapuanga no te ta tangata ra, e to reira au kainga i vao ake, i te maunga ra ko Epheraima, e ko Gezera e to reira au kainga i vao ake,

22 E ko Kibezaima e to reira au kainga i vao ake, e ko Bete-horona e to reira au kainga i vao ake: e a ïa puke oire.

23 E no roto i te kopu o Dana ra, ko Eleteke ïa e to reira au kainga i vao ake, e ko Gibetona e to reira au kainga i vao ake,

24 E ko Aialona e to reira au kainga i vao ake, e ko Gata-rimona e to reira au kainga i vao ake: e a ïa puke oire.

25 E no roto i te kopu veenga o Manase ra, ko Tanaka ïa e to reira au kainga i vao ake, e ko Gata-rimona e to reira au kainga i vao ake: e rua ïa puka oire.

26 Taua au oire ravarai na, okotai ïa ngauru e to reira au kainga katoa i vao ake, no te au kopu-tangata i te tamariki a Kohata i toe ra.

27 E ki te au tamariki a Geresona, no te au kopu-tangata ngati Levi ra, oronga atura ratou ia Golana i Basana ra, e to reira au kainga i vao ake, no roto i tetai pae kopu o Manase ïa, ei oire akapuanga no te ta tangata ra, e ko Beesetera e to reira au kainga i vao ake: e rua ïa puke oire.

28 E no roto i te kopu o Isakara ra, ko Kisona ïa e to reira au kainga i vao ake, e ko Dabera e to reira au kainga i vao ake,

29 E ko Iaremuta e to reira au kainga i vao ake, e ko Eni-ganima e to reira au kainga i vao ake: e a ïa puke oire.

30 E no roto i te kopu o Asera ra, ko Misala ïa e to reira au kainga i vao ake, e ko Abadona e to reira au kainga i vao ake,

31 E ko Helakata e to reira au kainga i vao ake, e ko Rehoba e to reira au kainga i vao ake: e a ïa puke oire.

32 E no roto i te kopu o Naphatali ra, ko Kedesa ïa i Galilea ra, ei oire akapuanga no te ta tangata ra, e to reira au kainga i vao ake, e ko Hamota-dora e to reira au kainga i vao ake, e ko Karatana e to reira au kainga i vao ake: e toru ïa puke oire.

33 Te au oire ravarai no te ngati Geresona i to ratou kopu-tangata, okotai ngauru e toru ara oire e to reira au kainga i vao ake.

34 E ki te au kopu-tangata i te tamariki a Merari ra, tetai pae ngati Levi ra, oronga atura ratou, no roto i te kopu o Zebuluna, ia Iokeneama e to reira au kainga i vao ake, e ko Karata e to reira au kainga i vao ake,

35 E ko Dimina e to reira au kainga i vao ake, e ko Nahalala e to reira au kainga i vao ake: e a ïa puke oire,

36 E no roto i te kopu o Reubena, ko Bezera ïa e to reira au kainga i vao ake, e ko Iaaza e to reira au kainga i vao ake,

37 E ko Kedemota e to reira au kainga i vao ako, e ko Mephaata e to reira au kainga i vao ake: e a ïa puke oire.

38 E no roto i te kopu o Gada ra ko Ramota ïa i Gileada, ei oire akapuanga ïa no te ta tangata ra, e to reira au kainga i vao ake, e ko Mahanaima e to reira au kainga i vao ake,

39 Ko Hesebona e to reira au kainga i vao ake, e ko Iazera e to reira au kainga i vao ake: e a ïa puke oire.

40 E te au oire ravarai o te au tamariki a Merari, i to ratou au kopu-tangata, i te au kopu-tangata ngati Levi i toe ra, okotai ngauru ïa puke oire e rua ara i ta ratou kelero.

41 Te au oire ravarai o te au ngati Levi i o te tamariki a Iseraela ra, e a ïa ngauru ma varu taua au oire ra ma to reira au kainga i vao ake;

42 E au kainga anake rai to teianei au oire i vao ake, ko te tu ïa o taua au oire ravarai nei.

43 Kua oronga mai a Iehova i te enua katoa no Iseraela tana i taputou mai ki to ratou ai metua e, e oronga mai aia; rauka iora oki te reira ra ia ratou, e kua noo ki runga.

44 E kua oronga uā Iehova i te au no ratou e pini ua ake; mei tana oki i taputou mai ki to ratou ai metua: e kare rava tetai o to ratou au enemi i mou mai ki mua ia ratou; kua tuku mai oki a Iehova i to ratou au enemi katoa ki to ratou rima.

45 Kare rava tetai mea meitaki ta Iehova i tuatua mai ki te ngutuare o Iseraela i poka: ope rava akera i te tupu.