Numero
4 KUA tuatua mairā Iehova kia Mose raua ko Aarona, na ko maira,
2 Ka tatau ana i te au tamariki tamaroa a Kohata i te maata anga i roto i te au tamariki tamaroa a Levi ra, i to ratou au kopu-tangata, i te ngutuare o to ratou ai metua,
3 Ko tei tae ki te toru ngauru o te mataiti, e tae ua atu ki te rima ngauru anga o te mataiti, ko te aronga katoa e tika kia rave i te taoonga ra, ei rave i te angaanga i te Are uipaanga ra.
4 Tera te angaanga a te au tamariki a Kohata i roto i te Are uipaanga ra, ko te rave i te au mea tapu roa ra. 5 Kia kiriti oki te puakapa ra, ka aere mai a Aarona, e tana au tamariki, e tuku i te paruru e arai ra ki raro, e tapoki ei i te aruna kite ki te reira:
6 E e totoa ratou i tetai kakau kiri tutu na rungao, ka tuku ei oki ratou i tetai tapoki kakau kerekere ki rungao i te reira, ka momono ei oki nga amo ra.
7 E totoa oki ratou i tetai kakau kerekere ki rungao i te kaingakai no te areto o te aroaro ra, ka tuku ei ratou i te au mereki ki rungao, e te au kapu, e te au āriki, e te au kapu ei riringi anga ra, ma te areto o te aroaro, i vaoo tamouia ra ki rungao: 8 E ka totoa ratou i tetai kakau muramura ki rungao i te reira, ka tapoki ei oki i te reira ki tetai tapoki kiri tutu, ka momono ei i nga amo ra.
9 E ka rave ratou i tetai kakau kerekere, ka tapoki ei i te vairanga lamepa akamārama, e tona au lamepa, e te au pakoti, e te au āriki pakoti ra, e te au āriki inu katoa no te reira, ta ratou e rave ra:
10 E tuku oki ratou i te reira e te au āriki katoa ra ki roto i tetai tapoki kiri tutu ra, ka tuku ei ki rungao i te apaianga ra.
11 E ka totoa ratou i tetai kakau kerekere ki rungao i te atarau auro ra, ka tapoki ei i te reira ki te tapoki kiri tutu, ka momono ei i nga amo ra:
12 E ka rave ratou i te au mea katoa no te taoonga, i raveia e ratou ki roto i te ngai-tapu ra, ka tuku ei ki roto i tetai kakau kerekere ra, ka vaî ei i te reira ki tetai vaî kiri tutu ra, ka tuku ei ki rungao i te apaianga ra:
13 E rave oki ratou i te reu ai i te atarau ra e apai ke, ka totoaʼi i tetai kakau purapura ki rungao ra: 14 E tuku oki ratou i te au mea no te reira, ta ratou e rave ra ki rungao, nga āriki ai, nga kokai, e nga taipu, e nga kapu, te au mea ravarai o te atarau ra; e totoa oki ratou i tetai tapoki kiri tutu ki rungao, ka momono ei i nga amo ra.
15 E kua oti anake te ngaitapu e te au mea katoa i te ngaitapu, i te vaîia e Aarona e ana puke tamariki, kia kiriti i te puakapa ra; ei reira te au tamariki a Kohata e aere mai ei e apai: auraka ra ratou e akatukia ua atu i te meatapu ra, ko te mate aea ratou. Ko te au apainga teia a te au tamariki a Kohata i te Are uipaanga ra.
16 E ei te taoonga a Eleazara te tamaiti a Aarona taunga te mori ei turama, e te atinga kakara ra, e te atinga kai i te au rā katoa ra, e te manongi akatainu ra, te tiaki i te puakapa katoa ra, e te au mea katoa i roto ra, i te ngai-tapu ra, e te au mea katoa no te reira.
17 Kua tuatua mairā Iehova kia Mose raua ko Aarona, na ko maira,
18 Auraka te kopu o te au kopu-tangata ngati Kohata kia tipu keia i roto i te au ngati Levi nei:
19 E akapera korua kia ratou, kia ora ratou, auraka kia mate kia akavaitata mai ratou ki te meatapu roa ra: ko Aarona e ana puke tamariki te ka aere ki roto, ka akatakaʼi ia ratou ravarai, ko te tangata ko tana angaanga, ko te tangata ko tana uaorai apainga:
20 Auraka ra ratou e aere ki roto e akara i te tapoki anga i te mea-tapu ra, ko te mate aea ratou.
21 Kua tuatua mairai a Iehova kia Mose, na ko maira,
22 E tatau katoa i te au tamariki tamaroa a Geresona ra, i te maata anga, i te ngutuare o to ratou ai metua, i to ratou au kopu-tangata:
23 Ko tei tae ki te toru ngauru o te mataiti, e tae ua atu ki te rima o te ngauru o te mataiti, ko taau ïa e tatau; ko te aronga katoa e tika kia rave i te taoonga ra, kia rave i te angaanga i roto i te Are uipaanga ra.
24 Teia te angaanga a te au kopu-tangata ngati Geresona kia rave ra, e te au apainga:
25 E apai ratou i te au paruru puakapa, e te Are uipaanga ra; te tapoki, e te tapoki kiri tutu i runga roao ra, e te paruru ngutupa no te Are uipaanga ra, 26 E te au paruru paepae, o te paruru e te ngutupa i te tomoanga ki roto i te paepae i tei akapini katoa i te puakapa e te atarau ra, e te au taura no te reira, e te au apinga katoa no te reira, e te au angaanga katoa i reira; ko ta ratou ïa e rave. 27 Tei ia Aarona e ana puke tamariki te tuatua, e rave ei te au tamariki ngati Geresona i ta ratou katoa au apainga, e i ta ratou au angaanga katoa; e na kotou e akataka atu ia ratou i ta ratou katoa ra apainga ma te iku marie atu.
28 Ko ta te au kopu-tangata o te tamariki a Geresona teia e rave i te Are uipaanga ra: e ta ratou e tiaki ra, tei ia Itamara te tamaiti a Aarona taunga te tuatua i te reira.
29 E te au tamariki tamaroa a Merari, e tatau oki koe ia ratou i to ratou au kopu-tangata, i te ngutuare o to ratou ai metua ra: 30 Ko tei tae ki te toru ngauru o te mataiti, e tae ua atu ki te rima o te ngauru o te mataiti, ko taau ïa e tatau, te aronga katoa e tika kia rave i te taoonga, kia rave i te angaanga, i te Are uipaanga ra.
31 Teia oki te tuatua i ta ratou apainga, ta ratou katoa e rave i te Are uipaanga ra; ko te au tapaanga rakau puakapa, e te au tea, e te au pou, e te au turanga;
32 E te au pou o te paepae e pini ua ake, e to ratou au turanga, e te au titi, e te au taura, e te au apinga ravarai no te reira ra, e te angaanga katoa: e ka tatau te ingoa o te au mea i iku naia mai e na ratou e apai.
33 Ko ta te au kopu-tangata o te au tamariki a Merari teia e rave, te au angaanga katoa a ratou i te Are uipaanga ra, ei ia Itamara te tamaiti a Aarona taunga oki te tuatua i te reira.
34 Kua tatau iorā Mose raua ko Aarona, e te aronga mamaata o te uipaanga ra, i te au tamariki tamaroa ngati Kohata i to ratou au kopu-tangata, e te ngutuare o to ratou ai metua;
35 Ko tei tae ki te toru ngauru o te mataiti, e tae ua atu ki te rima o te ngauru o te mataiti, ko te aronga katoa e tika kia rave i te taoonga ra, i te angaanga i te Are uipaanga ra:
36 E taua aronga i tatauia i to ratou au kopu-tangata, e rua ïa tausani, e itu anere, e rima ngauru.
37 Ko taua aronga ïa i tatauia ra i to te au kopu-tangata ngati Kohata ra, ko te aronga katoa e tika kia rave i te angaanga i roto i te Are uipaanga ra, ko ta Mose raua ko Aarona i tatau ra, i ta Iehova i akaue mai ia Mose.
38 E to te tamariki tamaroa a Geresona i tatauia, i to ratou au kopu-tangata, e te ngutuare o to ratou ai metua,
39 Ko tei tae ki te toru ngauru o te mataiti, e tae ua atu ki te rima o te ngauru o te mataiti ra, ko te aronga katoa e tika kia rave i te taoonga, i te angaanga i roto i te Are uipaanga ra;
40 Ko taua aronga i tatauia, i to ratou au kopu-tangata ra, i te ngutuare o to ratou ai metua, e rua ïa tausani, e ono anere, e toru ngauru.
41 Ko tei tatauia ïa i to te au kopu-tangata o te au tamariki a Geresona, ko te aronga katoa e tika kia rave i te angaanga i roto i te Are uipaanga ra, ko ta Mose raua ko Aarona i tatau, i ta Iehova i akaue maira.
42 E tei tatauia no te au kopu-tangata o te au tamariki a Merari ra, i to ratou au kopu-tangata, i te ngutuare o to ratou ai metua,
43 Ko tei tae ki te toru ngauru o te mataiti, e tae ua atu ki te rima o te ngauru o te mataiti ra, ko te aronga katoa e tika kia rave i te taoonga, i te angaanga i te Are uipaanga ra,
44 Ko taua aronga i tatauia i to ratou au kopu-tangata, e toru ïa tausani, e rua anere.
45 Ko taua aronga ïa i tatauia ra i to te au kopu-tangata o te au tamariki a Merari ra, ko ta Mose raua ko Aarona i tatau, i ta Iehova i tuatua mai ia Mose 46 Ko taua aronga ngati Levi katoa i tatauia ra, ko ta Mose raua ko Aarona, e te aronga mamaata o Iseraela, i tatau ra, i to ratou au kopu-tangata, e te ngutuare o to ratou ai metua,
47 Ko tei tae ki te toru ngauru o te mataiti, e tae ua atu ki te rima o te ngauru o te mataiti, ko te aronga katoa e tika kia rave i te angaanga, e kia apai i te au apainga i te Are uipaanga ra;
48 Ko taua aronga i tatauia ra, e varu ïa tausani, e rima anere, e varu ngauru.
49 Ko ta Iehova i akaue mai ia Mose, i akaperaia ratou i te tatau, ko te tangata ra ko tana e rave, e tana ra apainga, e pini ua ake ratou ra: i peraia ratou i te tatauia e ia, i ta Iehova i akaue mai kia Mose ra.