Salamo

29 E O atu kia Iehova, e te aronga mana e, e o atu kia Iehova i te kakā e te ririnui.

2 E o atu kia Iehova i te kakā e tau ki tona ingoa; e akamori ia Iehova ma te akangateitei tapu ra.

3 Tei runga tei te moana te reo o Iehova: te aruru maira te mangungu o te Atua kakā ra: ko Iehova tei runga i te moana maata ra.

4 E ririnui to te reo o Iehova; e mana maata to te reo o Iehova.

5 Te reo o Iehova tei akangaangaa i te au arezi; na Iehova oki i akangaangaa i te au arezi i Lebanona.

6 E akarere aia ia ratou mei te punua puakatoro; ko Lebanona e ko Siriona mei te puakatoro ou taetaevao ra.

7 Na te reo o Iehova i akapueurikiriki ke i te mura ai.

8 Na te reo o Iehova i akangaueue i te medebara; na Iehova i akangaueue i te medebara ra ko Kadesa.

9 No te reo o Iehova i anau ei te au aili, e i veravera uaʼi te ngai vaorakau; e te au mea katoa i roto i tona ra nao tei akakite i tona kakā.

10 Te noo rā Iehova ki runga i te moana; te noo ra oki a Iehova ei ariki e tuatau ua atu.

11 Ka oronga mai a Iehova i te maroiroi no tona ra au tangata; e akameitaki mai a Iehova i tona au tangata i te au.