Nahuma
1 TE tuatua ia Nineve ra. Te buka no te orama a Nahuma te Elekosi ra.
2 E Atua vareae a Iehova e te akaoko; e akaoko ta Iehova, e te riri otooto; e akaoko a Iehova i tona ra au ekai; e te vaoo marie ra aia i tona riri no tona ra au enemi.
3 Kare a Iehova e rapurapu i te riri, te maata ra te mana, kare ravā Iehova e kore e tutaki i te aronga rave ara: tei te puaioio e tei te uriia to Iehova ra arataa, e one-pueu te au tumurangi nei no tona vaevae.
4 Akamura atura aia i te moana, e kua marō iora, kua tamarō oki aia i te au kauvai ravarai: kua mae Basana, ma Karamela, e kua mae te tiare o Lebanona.
5 Kua ngaruerue te au maunga iaia, e kua taʼe te au tuaivi, e kua marangaranga te enua ki mua i tona aroaro; te ao, e tei noo i rungao.
6 Koai te ka mou ki mua i tona mainaina? koai oki te ka mou mai ki mua i te vera anga o tona riri? kua maringi tona riri otooto mei te ai ra, e kua uriia e ia te au mato ki raro.
7 E meitaki to Iehova, e akapuanga ketaketa i te rā tumatetenga ra; kua kite oki aia i tei irinaki iaia ra.
8 E rave akapou rava ra aia i tona ra ngai, mei te vai puke e maringi ua ra; e na te poiri e arumaki i tona ra au enemi.
9 Eaa ta kotou e manako ana ia Iehova? e rave akapou rava aia, kare e tu rua mai te mate i te tupu anga.
10 Piriakita ua ratou mei te rakau taratara ra, e kona ua ratou i ta ratou wina, ka pou rai ratou mei te teita e marō takiri ra.
11 No roto ia koe tetai i te aere anga mai, ko tei manako i te kino ia Iehova ra, e tumu korero kino.
12 Te na ko mairā Iehova, Katoatoa oti ratou, e rai oti, ka tipuia rai ratou, e ka riro ke atura aia. Mate ua rai koe iaku ra, kare ra koe e mate akaou iaku.
13 E i teianei au e aati ei i tana zugo i runga ia koe ra, e e momotu taka ke toou au ruru iaku ra.
14 Kua tuku mai oki a Iehova i te akauenga ia koe, e kare rava tetai o toou ingoa e ruru akaouia; e tipu ke atu au i te au tiki kotikotiia, e te au tiki akatoia, i te are o to au atua ra; e akariro au i te reira ei tanumanga noou, no te mea kua tarevakaua koe.
15 I na, tei runga i te au maunga te vaevae o tei apai mai i te tuatua meitaki, o tei tutu aere i te au; e akono koe, e Iuda, i taau ra au ravenga tapu ra, e rave i taau i tia ra: kare oki te tangata kino e na roto akaou ia koe ra; kua tipu ke ravaia aia.