Salamo

59 KIA ora au, e taku Atua, i toku nei au enemi; e akatika mai koe iaku i tei tu a enemi mai iaku nei.

2 Kia ora au i te aronga i rave i te kino ra, e akaora iaku i te au tangata toto ra.

3 I na, te moetapapa ra ratou iaku kia mate; kua kuku mai te aronga mana ra iaku: kare ra no taku ara, e Iehova, kare oki no toku kino.

4 Kare ua e ara te oro ua maira ratou, te akonokono ra ia ratou uaorai; e ara ana, e akara mai, ei tauturu iaku.

5 E ara koe, e te Atua Sabaota, e Iehova, e te Atua o Iseraela e, e tutaki atu i te au etene ravarai: auraka e akaperepere i taua au rave ara pikikaa katoa ra. Sela.

6 E oki mai ratou i te aiai; aoa iora mei te puaka-aoa ra, ka akapini aere uaʼi i te oire nei.

7 I na! te puroro nei te kino no roto i to ratou vaa; e koke oki tei to ratou ngutu: e te na ko nei ratou, Koai tei akarongo ra?

8 Ko koe ra, e Iehova, te kata ra koe ia ratou: e taitoito-anga te au etene katoa naau.

9 No tona maroiroi, ka tapapa atu ei au ia koe: ko te Atua oki toku punanga etaeta.

10 Na te Atua e aroa mai iaku nei, e tauturu mai iaku: na te Atua e akakite mai i toku au enemi i te pou anga.

11 Auraka kia ta ravaia, ko te ngaropina aea toku au tangata nei; e akapueurikiriki ke ra koe ia ratou i toou uaorai mana; e uri koe ia ratou ki raro, e te Atu, e to matou paruru.

12 I te ara a to ratou vaa, te tuatua a to ratou au ngutu, e to ratou nengonengo, kia riro atu ratou; e te tao e te pikikaa ta ratou i tuatua ra.

13 Kia pou, kia pou ratou i te riri, e auraka roa kia toe; kia kite ratou e tae ua atu ki te openga o te enua nei e, tei te Atua te au ia Iakoba. Sela.

14 E kia oki mairai ratou i te aiai; aoa iora mei te puaka-aoa ra, ka akapini aere uaʼi i te oire nei.

15 Kia ori aere ua ratou e kimi i te kai, e ao akera te po auraka kia pangia te kaki ra.

16 Kareka au nei ka imene i te maroiroi noou ra, ka imene nui au i te popongi i te aroa noou ra; no te mea ko koe te akapuanga noku nei; e te pipinianga i te rā i tumatetengaʼi ra.

17 E taku maroiroi, ka imene au ia koe na! ko te Atua, te Atua i aroaia mai ei au ra, ko toku ïa akapuanga.