Iobu

26 KUA tuatua mairā Iobu, na ko maira,

2 Ko te tauturu naau i te tangata paruparu e? e te ora oki o te rima matutu kore ia koe e?

3 Te ako naau i te tangata kite kore e? e te taka meitaki anga oki te tuatua ia koe, e?

4 Koai taau i tuatua maira? e toai te vaerua i riro mai no roto ia koe?

5 Te ruketekete nei te aronga ririnui i mate i raro ra; te vai, e tei noo i reira.

6 Te vai ua ra ade ki mua iaia, e kare o te mate e tapoki.

7 Kua totoa atura aia i te pae i apatokerau i rungao i te atea ka ua, e kua akauta i te enua ki runga i te kore.

8 Kua kou aia i te vai i roto i te tumurangi patapatatue nona: e kare taua tumurangi i raro ake i te reira ra i motu.

9 Te uuna nei aia i te aro o tona ra terono, e te tapoki nei aia i te reira i tona tumurangi.

10 Kua akapini aia i te moana ki te kotinga, e tae ua atu ki te kore anga o te mārama e te poiri.

11 Kua ruketekete te au pou o te rangi, e kua poitirere, i te akamura nana.

12 Te akamarino nei aia i te tai i tona mana, e no te kite nona i mate ei te taae nengonengo.

13 Kua puipui aia i te rangi i te Vaerua nona; na tona rima i anga i te Ovi rere ra.

14 I na, ko tetai pae teia o tona ra au aerenga. Ko te tuatua koumuumu ua nei tei rongoia nona! ko te mangungu ra o tona mana, koai ra te ka kite?