Iobu

16 KUA tuatua mairā Iobu, na ko maira,

2 E manganui taku tuatua i akarongo mei tena katoa na: e aronga akapumaana manamanata anake kotou na.

3 Ka ope ainei te au tuatua tarevakaua? e eaa te mea i ketaketa mai ei koe kia tuatua?

4 E tika katoa iaku kia tuatua mei ia kotou katoa na: angairi kotou mei iaku nei, e tika katoa iaku kia akaututua ua i te tuatua ki runga ia kotou, e kia takirikiri katoa atu i toku mimiti ia kotou.

5 E riro ra taku vaa i te akamaroiroi atu ia kotou, e te keukeu anga o toku ngutu, i te akamaru atu i to kotou aue.

6 Kia tuatua ra au ra, kare toku mate e maru: e kia akatupua ua au ra, eaa taku ngai i māmā?

7 Kua potopoto ra taku aʼo iaia i tenana; kua pou ia koe toku ra iti ravarai.

8 Kua natinatiia au e koe, kua riro ïa ei kite: e te tu ua maira te ikoke noku ei patoi iaku, e te tapepe maira ki mua tikai i toku mata nei.

9 Te aeae ra tona riri, e te makitakita maira iaku: te tete maira aia i tona nio ki runga iaku; te anaana maira nga mata o toku enemi ki runga iaku.

10 Kua akaamama ratou i to ratou vaa ki runga iaku; kua papaki akakino maira ratou i toku paparinga; kua uipa anake ratou ki runga iaku.

11 Kua tuku te Atua iaku ki te aronga akono kore i te Atua, e kua uri iaku ki roto i te rima o te aronga kino.

12 Te noo au ua ra au, e kua atiati roaia au iaia: kua opu mai aia i toku kaki, e kua akaungaungātiti maira aia iaku, e kua akatu aia iaku ei pa nana.

13 Kua akapini maira te aronga akainana ana nona iaku, kua momotu taka ke nga pukuatu noku iaia, e kare e akaperepere mai; kua maringi taku au iaia ki raro i te one.

14 Te āru ua maira aia iaku, kua na rungao tetai ārunga i tetai ārunga, mei te toa ririnui ra tona oro anga mai ki runga iaku.

15 Kua tuiia e au te kakau paoa ki runga i toku nei pakiri, e kua viivii iaku toku tara ki raro i te one-pueu.

16 Kua kutekute toku mata i te aue anga, e tei i oku topiri-mata te marumate i te vairanga;

17 Kare ra no te tuatua-tika kore i roto i oku nei rima: kare oki taku pure i viivii.

18 E te enua nei e, auraka koe e tapoki i toku nei toto, e auraka ei ngai no toko aue anga.

19 E teianei, i na, tei te rangi te kite iaku, e tei akono mai iaku ra, tei runga ïa.

20 Te amuamu maira toku ra au oa iaku: te riringi atu nei ra oku mata i te roi-mata ki te Atua.

21 Angairi i tika i te tangata nei kia tuatua ki te Atua, mei te tangata e tuatua ki tona ra oa?

22 Eia ua mai mataiti kia ope, ka aere ei au na te ara kare e oki mai.