Hagai

1 TEI te rua o te mataiti o te ariki ra ko Dariu, tei te ono o te marama, i te rā tai i taua marama ra, te tae anga mai o te tuatua a Iehova i te peroveta ra ia Hagai, kia Zerubabela te tamaiti a Salatiela, i te tutara i Iuda, e kia Iosua, te tamaiti a Iosedeka, i te taunga maata ra, na ko maira,

2 Te tuatua mairā Iehova Sabaota ra, na ko maira, Kua karanga teianei au tangata, Kare i tae te tuatau, te tuatau e akatuiaʼi te are o Iehova.

3 Kua tae maira oki te tuatua a Iehova i te peroveta ra ia Hagai, na ko maira.

4 E kotou e, ko te tuatau ainei teia kia noo kotou ki roto i to kotou au are apapaia ra, e e vaoo tanea uaia teianei are?

5 E tenana, te na no mairā Iehova Sabaota ra: Ka akamaaraara ana i te kotou na au aerenga.

6 E maata ta kotou i ruru, e iti ra tei apaiia mai; kua kai kotou, kare ra i merengo; kua inu kotou, kare ra kotou i ki i tei inumia ra; kua kakau kotou i te kakau, kare ra tetai i maana; e tei rauka iaia te tutaki ra, i rauka ïa no te pute motumotu ra. 7 Te na ko mairā Iehova Sabaota ra: Ka akamaaraara ana i to kotou na au aerenga.

8 E aere ki runga i te maunga, e apai mai i te rakau, ka patu ei i te are, kia mareka au i te reira, e kia akakakāia au, te tuatua mairā Iehova,

9 Kua aruaru na kotou ki te maata, e i na, e mea ngiti ua; e kua apai mai kotou ki te ngutuare kua puipui au ki rungao. No te aa? te tuatua mairā Iehova Sabaota ra. No toku are i vaoo tanea uaia nei, e te oro ra te tangata ravarai ki te are nona uaorai.

10 I tāpuiaʼi te au o te rangi i runga ia kotou, e kare te enua nei e pa i tana kai.

11 Kua kapiki oki au ki te vera ki runga i te enua, e ki runga i te au maunga ra, e ki runga i te sitona, e ki runga i te wina ou, e ki runga i te inu olive, e ki runga i tei tupu i runga i te enua nei, e ki runga i te tangata, e ki runga i te puaka, e ki runga i te au angaanga katoa o te rima nei.

12 Kua akarongo aturā Zerubabela, te tamaiti a Salatiela, e ko Iosua, te tamaiti a Iosedeka, te taunga maata ra, e te toenga katoa o te au tangata ra, i te reo o to ratou Atua ra, ko Iehova, e te au tuatua ra, ko Iehova, e te au tuatua a te peroveta ra a Hagai, mei ta to ratou Atua ra ta Iehova i tono iaia ra; mataku iora te tangata ki mua i te aroaro o Iehova.

13 Kua tuatua iora te karere a Iehova, ko Hagai, i te tuatua a Iehova, ki te au tangata, na ko maira, Tei ko na au ia kotou, te tuatua mairā Iehova.

14 Kua akaaraara mairā Iehova i te ngakau o Zerubabela te tamaiti a Salatiela, e tutara no Iuda, e te ngakau o Iosua te tamaiti a Iosedeka, te taunga maata ra, e te ngakau o te toenga ravarai o te au tangata ra, e kua aere mai ratou e kua rave i te angaanga ki roto i te are o Iehova Sabaota ra, to ratou ra Atua;

15 I te rā e rua ngauru ma a i te marama ono ra, i te mataiti rua o te ariki ra ko Dariu.