Salamo

87 TE tumu nona ra, tei runga ïa i te au maunga tapu ra.

2 Te maata ra to Iehova inangaro i te au ngutupa o Ziona, i te au puakapa katoa o Iakoba ra.

3 E au mea kakā tei tuatuaia mai ia koe, e te oire o te Atua ra e. Sela.

4 Ka akaiki au ia Rahaba, e ia Babulonia, i te aronga i kite iaku ra; i na, ko Philisetia, e ko Turia, ratou katoa ko Kusa; I reira teia i te anau anga.

5 E ia Ziona ra, ka riro i te tuatuaia e , I reira teianei tangata, e tera tangata, i te anau anga: e nana oki, na Tei Teitei, e akatinamou iaia.

6 Ka akakiteia e Iehova i te tata anga i te au tangata, I reira teianei tangata i te anau anga. Sela.

7 Ka imene oki ratou mei tei rere ua i te rekareka, ka tuatuaʼi e, Ko toku au tumu katoa, tei roto ïa ia koe ra.