Salamo

75 TE akameitaki nei matou ia koe, e te Atua, te akameitaki nei matou: na taau au angaanga taka ke i akakite e, te vaitata nei to ingoa.

2 Rauka akera iaku te tuatau tau ra, ka akava au ma te tiratiratu.

3 Te enua nei e to te enua katoa ra, kua taravai ïa: kua akatinamou ra au i to reira au pou. Sela.

4 Kua tuatua au ki te aronga kanga akatietie ra, Auraka e akatietie: e te aronga kino ra, Auraka e akateitei i te tara;

5 Auraka e akateitei i ta kotou tara ki runga roa; auraka e tuatua ma te kaki etaeta.

6 Kare oki no te itinga o te rā, e no te opunga o te rā, kare oki no apatonga, i teitei ei.

7 Ko te Atua uaorai ra te akava; ko tei taakaaka i tetai, e kua akateitei i tetai.

8 Tei te rima oki o Iehova tetai kapu, kua ki i te wina muramura, irokia ra, nana e riringi aere i te reira; kareka te ota ra, na te aronga kino katoa o te enua nei e kumu i te reira ka inu ei.

9 Ka va aere ua rai au e tuatau ua atu, e imene akapaapaa au i te Atua o Iakoba.

10 Ka ope oki te au tara o te aronga kino i te tipu keia e au, ko te au tara o te aronga tuatua-tika ra, ka akateiteiia ïa.