Salamo

122 MAREKA rava akera au e te aronga i tuatua mai kiaku e, Taki aere tatou ki te are o Iehova. 2 E tu o matou vaevae i roto i to au ngutupa, e Ierusalema e. 3 I patuia Ierusalema mei te oire, topiri akitaia te au are ra. 4 I reira te au kopu kia aere ki runga ra; te au kopu a Iehova, ki te tuatua-akakite na Iseraela, e akameitaki i te ingoa o Iehova. 5 I reira te au terono akava ra i te akamou angaia, te au terono o te ngutuare o Davida. 6 E pure ia Ierusalema kia au; e meitaki to te aronga i inangaro ia koe. 7 Ei au to roto i toou ra au patu; ei meitaki to roto i toou ra au punanga. 8 No toku ra ai taeake, e no toku ra au oa, i tuatuaʼi au i teianei, Ei au to roto ia koe ra. 9 No te are o to tatou Atua ra o Iehova, ka kimi ei au i te meitaki noou ra.