Iosua
19 KUA taka iora te rua o te kelero, na Simeona ïa, na te kopu o te tamariki a Simeona ra, i to ratou au kopu-tangata; e ta ratou tuanga, tei rotopu ïa i te tuanga a te tamariki a Iuda ra.
2 Teia ta ratou tuanga, ko Bereseba, e ko Seba, e ko Molada,
3 E ko Hazara-suala, e ko Bala, e ko Azema,
4 E ko Elatolada, e ko Betula, e ko Horama,
5 E ko Zikelaga, e ko Bete-marakabota, e ko Hazarasusa,
6 E ko Bete-lebaota, e ko Saruena; okotai ngauru ma toru ïa au oire, e to ratou au vila:
7 E ko Aina, e ko Remona, e ko Etera, e ko Asana; e a ïa puke oire, e to ratou au vila oki:
8 E te au vila katoa i vaitata i taua au oire ra e pini ua ake, e tae ua atu ki Baalapere-ramata i te pae i apatonga ra. Ko te tuanga teia a te kopu a te tamariki a Simeona ra, i to ratou au kopu-tangata.
9 No roto i te tuanga a te tamariki a Iuda, ta te tamariki a Simeona ra tuanga; e maata oki ta te tamariki a Iuda tuanga ia ratou; i tuaiaʼi ta te tamariki a Simeona tuanga i roto i ta ratou ra.
10 E kua taka iora te toru o te kelero, na te tamariki a Zebuluna ïa, i to ratou au kopu-tangata. E kua tae rava atura te kotinga o ta ratou ra tuanga ki Saridi:
11 I na Marala to ratou kotinga i te aere na te pae taatai ra, e tae atura ki Dabaseta, e te kauvai i vaitata i Iokeneama:
12 E mei Saridi oki kotoe tika atura ki runga i te pae i te itinga o te rā ra, i vaitata i Kiselota-tabora, e mei reira oki aere tika atura ki Daberata, e aere tika atura ki runga ki Iaphia.
13 E mei reira oki, aere ua atura na te pae i te itinga o te rā ra na Gita-hephera, e tae atura ki Ita-kazina; e mama rava atura ki Remona-metoara-nea.
14 E te kotinga i te pae i apatokerau ra te apepe atura ïa ki Hanatona, e tona mama anga ra tei te o ra ïa o Iipita-eli:
15 E ko Katata, e ko Nahalala, e ko Simerona, e ko Idala, e ko Betelehema; okotai ngauru ma rua ïa au oire, e to reira au vila.
16 Ko te tuanga teia a te tamariki a Zebuluna i to ratou au kopu-tangata, ko te au oire, e to reira au vila.
17 Kua taka iora te a o te kelero, na Isakara ïa, na te tamariki a Isakara i to ratou au kopu-tangata.
18 E to ratou kotinga, i na Iezereela ia mai ïa, e Keselota, e Sunema,
19 E ko Hapharaima, e ko Sihona, e ko Anaarata,
20 E ko Rabita, e ko Kisiona, e ko Abeza,
21 E ko Remeta, e ko Eniganima, e ko Eni-hada, e ko Bete-pazeza:
22 E kua tae roa taua kotinga ra ki Tabora, e Saazima, e Bete-semesa, e te mama anga o to ratou kotinga, tei Ioridana ïa; okotai ngauru ma ono ïa au oire, e to reira au vila.
23 Ko te tuanga teia o te kopu o te tamariki a Isakara ra, i to ratou au kopu-tangata, ko te au oire, e to reira au vila.
24 E kua taka iora te rima o te kelero, na te kopu ïa o te tamariki a Azera ra, i to ratou au kopu-tangata.
25 E to ratou kotinga, ko Helekata ïa, e ko Hali, e ko Betena, e ko Akasapha,
26 E ko Alameleka, e ko Amadi, e ko Miseala, e tae ua atura ki Karamela, e Siora-libenata i te pae i te opunga o te rā;
27 E te pae i te itinga o te rā ra, apepe atura ki Bete-dagona, e tae rava atura ki Zebuluna, e te o ra ko Iipitaela; e te pae i apatokerau ra, aere tika atura ïa ki Bete-emeka, e Neiela; e aere ua atura ki Kabula i te pae kaui;
28 E ko Heberona, e ko Rehoba, e ko Hamona, e ko Kana, e tae atura ki Sidona maata ra;
29 E mei reira oki, apepe atura taua kotinga ra ki Rama, e ki te oire pakari ra ko Turia; e akamingi tika atura taua kotinga ra ki Hosa: e tona mama anga atu ko te tai maata ra ïa, mei te kotinga oki e tae ua atura ki Akeziba;
30 Ko Uma katoa oki, e ko Apheka, e ko Rehoba; e rua ngauru ma rua ïa au oire, e to reira au vila.
31 Ko te tuanga teia a te kopu o te tamariki a Asera ra, i to ratou au kopu-tangata; ko teia au oire, e to reira au vila.
32 Kua taka iora te ono o te kelero, na te tamariki a Naphatali ïa, na te tamariki a Naphatali i to ratou au kopu-tangata.
33 E to ratou kotinga ko Helepha, e na Alona ïa, ko Zaananima, e ki Adami, e ki Nekeba, e ki Iabaneela, e tae atura ki Lakuma; e tona mama anga atura, ko Ioridana ïa;
34 E mei reira oki, apepe tika atura taua kotinga ra ki Azenota-tabora, i te pae i te opunga o te rā ra; e mei reira oki, aere ua atura ïa ki Hukoka, e tae rava atura ki Zebuluna i te pae i apatonga ra, e te pae i te opunga o te rā ra e tae rava atura ki Asera, e kia Iuda i te pae Ioridana i te itinga o te rā ra.
35 E te au oire i pa;tuia ra, ko Zidima ïa, e ko Zera, e ko Hamata, e ko Rakata, e ko Kinereta,
36 E ko Adama, e ko Rama, e ko Hazora,
37 E ko Kedesa, e ko Ederei, e ko Eni-hazora,
38 E ko Irona, e ko Migadala-ela, e ko Horema, e ko Bete-anata, e ko Bete-semesa; okotai ngauru ma iva au oire, e to reira au vila.
39 Ko te tuanga teia a te kopu o te tamariki a Naphatali ra i to ratou au kopu-tangata, ko te au oire ïa, e te reira au vila.
40 Kua taka iora te itu o te kelero, na te kopu ïa o te tamariki a Dana ra, i to ratou au kopu-tangata.
41 E te kotinga o ta ratou tuanga, ko Zora ïa, e ko Esetaola, e ko Ire-semesa,
42 E ko Saalabina, e ko Aialona, e ko Ietela,
43 E ko Elona, e ko Timanata, e ko Ekerona,
44 E ko Eleteke, e ko Gibetona, e ko Baalata,
45 E ko Iehuda, e ko Bene-bereka, e ko Gata-rimona,
46 E ko Me-iarekona, e ko Rakona, e te tapere ki mua mai i Iapho.
47 Iti iora ta te tamariki a Dana tuanga ia ratou, aere atura te tamariki a Dana ki runga e tamaki ia Lesema, e rauka iora, taia iora ki te mata koke, riro maira ia ratou, e kua noo iora i reira, tapa iora i taua oire ra ko Lesema, ia Dana, i te ingoa o to ratou tupuna ra ko Dana.
48 Ko te tuanga teia a te kopu a te tamariki a Dana ra, i to ratou au kopu-tangata; ko to ratou teia au oire, e to reira au vila.
49 E oti akera te enua i te tuaia e ratou ei nooanga no ratou i to reira au kotinga, kua oronga akera te tamariki a Iseraela i tetai tuanga na Iosua te tamaiti a Nuna i roto ia ratou.
50 Ko ta Iehova i tuatua maira, kua oronga ratou i te oire tana i pati maira nona, ko Timenata-sera, i te maunga ra ko Epheraima: e kua patu aia i taua oire ra, e kua noo oki i reira.
51 Ko te au tuanga teia ta Eleazara taunga, e ko Iosua te tamaiti a Nuna, e te aronga mataiapo tutara no te au kopu o te tamariki a Iseraela, i tua kelero i Silo, ki mua i te aroaro o Iehova, i te ngutupa o te Are uipaanga ra, ei nooanga. Oti akera ia ratou taua enua ra i te tua.