Salamo

16 E TIAKI koe iaku, e te Atua e, te irinaki nei oki au ia koe.

2 Kua tuatua au kia Iehova e, Ko taku Atu koe; kare toku meitaki e tae atu kia koe na;

3 Ko te aronga tapu ra i te enua nei, e te aronga memeitaki, ko ratou anake taku e mataora nei.

4 Ka akamaataia to ratou tumatetenga, tei rapurapu i te aru i tetai atua ke: ta ratou atinga inu toto ra, kare au e apai, kare oki toku vaa e akaiki ua atu i to ratou ingoa.

5 Ko Iehova, ko taku ïa tuanga, e taku kapu: ko koe tei akono mai i toku nei kelero.

6 Kua topa akenei taku tuanga i te ngai meitaki; e te meitaki nei au i toku nei kainga.

7 Ka akameitaki au ia Iehova, ko tei ako mai iaku; te apii maira toku manako iaku i te po.

8 Kua tuku au ia Iehova ei mua ua rai iaku; tei toku rima katau aia kare au e ngaueue.

9 I marekaʼi toku ngakau, e te rekareka nei toku kakā; ka moe katoa oki toku kopapa nei ma te tiaki.

10 Kare oki koe e vaoo i toku vaerua i ade; kare oki koe e tuku i to Mea Tapu ra kia kite i te pe.

11 Ka akakite mairai koe iaku i te ara ora; tei mua i to aroaro te ki anga o te rekareka; tei to rima katau te pereperekavana e tuatau ua atu.