Salamo

99 KO Iehova te ariki; kia rutetetete te au tangata! te noo ra aia ki runga i nga kerubi: kia keukeu te enua.

2 Te maata nei a Iehova i Ziona; e teitei roa tona i to te tangata katoa ra.

3 Kia akameitaki ratou i to ingoa maata e te mataku; e tapu oki te reira, e te mana.

4 Te inangaro ra te ariki i te tuatua-tau; te akatinamou ra koe i te tiratiratu; te tuatua-tau e te tuatua-tika taau i rave i o Iakoba ra.

5 E akateitei ana i to tatou Atua ra, ia Iehova, ei tona ra takainga-vaevae akamori ei, te tapu ra oki aia.

6 Ko Mose raua ko Aarona, i roto i te kau taunga nana, e ko Samuela, i roto i te aronga i kapiki i tona ra ingoa; ia ratou i kapiki ia Iehova ra, kua tuatua maira aia kia ratou.

7 I roto i te pou tumurangi ra tana tuatua anga mai kia ratou; kua akono ratou i tana au tuatua-akakite, e te akonoanga, tana i tuku mai kia ratou.

8 Naau, e to matou Atua, e Iehova, i tuatua mai kia ratou; e Atua akakore ara koe ia ratou, tutaki uaʼi koe ia ratou i ta ratou ra ravenga kino.

9 E akateitei ana i to tatou Atua ia Iehova, e ei tona ra maunga tapu akamori ei: te tapu ra oki to tatou Atua ko Iehova.