Salamo

130 NO roto i te ngai oonu toku kapiki anga atu ia koe, e Iehova: 2 E taku Atu, e akarongo mai i toku reo; e ariu mai to taringa i taku e pati atu. 3 Naringa koe, e Iehova, e akairo ana i te au ara nei, e te Atu, koai te ka mou? 4 Tei ia koe ra te akakore i te ara, kia matakuia oki koe ra. 5 Te tatari nei au ia Iehova, toku vaerua teia e tatari nei, e te irinaki nei au ki tana tuatua: 6 Te tapapa nei toku vaerua i te Atu, e iti to te au tiaki e tapapa i te popongi ra: koia rai ïa, e iti to te au tiaki e tapapa i te popongi ra. 7 Kia irinaki Iseraela ia Iehova; tei ia Iehova oki te aroa, e tei iaia oki te ora maata roa ra. 8 E riro aia i te akaora ia Iseraela i tana katoa ra au ara.