Salamo

124 AURAKĀ Iehova, i ko nei katoa ia tatou nei, kia pera mai oki Iseraela: 2 Aurakā Iehova i ko nei katoa ia tatou nei, ka tu mai ei te tangata e māro mai ia tatou nei; 3 Kua apuku ora uaia tatou e ratou ra i reira, i te otooto anga o to ratou riri ia tatou. 4 Kua nina uaia tatou e te vai i reira, kua na rungao ia tatou taua vai puke ra i te taʼe anga; 5 Kua na rungao ia tatou taua vai nengonengo ra i te oro i reira. 6 Kia akameitakiiā Iehova, ko tei kore i oronga ia tatou ei kai na to ratou ra nio. 7 E tau tatou ki te manu i ora i te ereere a te ere manu ra; kua motu te ere, e kua ora io nei tatou. 8 Tei te ingoa o Iehova to tatou tauturu, ko tei anga i te au rangi e te enua nei.