Zekaria

7 E TAE akera ki te a o te mataiti o te ariki ra ko Dariu, i tae mai ei te tuatua a Iehova kia Zekaria, i te rā a i te marama iva, ia Kisileu ra;

2 Kua oti akera to Betela i te ono anga ia Sareza, e Rege-meleka ma tona au tangata, e pure ki mua i te mata o Iehova;

3 E kia karanga atu ki te kau taunga i roto i te are o Iehova Sabaota ra, e te au peroveta, kia na ko atu ei; E aue ainei au i te rima o te marama, i te akataka anga iaku uaorai, mei taku rai oki i pera e manganui akenei te mataiti?

4 Kua tae maira i reira te tuatua a Iehova Sabaota ra kiaku, na ko maira,

5 Ka tuatua ana ki te au taunga katoa o te enua, e te kau taunga, ka na ko atu, Ia kotou i akakore i te kai, e i aue oki, i te rima o te marama, e i te itu o te marama, i taua au mataiti e itu ngauru ra, i akakore ainei kotou i te kai iaku, iaku tika nei rai?

6 E ia kotou oki i kaikai ra, e ia kotou oki i inu ra, kare ainei no kotou uaorai i kai ei, e i inu ei?

7 Kare ainei te reira te tuatua i akakite puia mai e Iehova i te rima o tei muatangana rai au peroveta, ka noo uaʼi Ierusalema ma te meitaki; e tona katoa ra au oire e pini ua ake; ka tangataiaʼi oki te pae i apatonga e te ngai mataataa ra?

8 E kua tae maira oki te tuatua a Iehova kia Zecaria, na ko maira,

9 Te na ko mairā Iehova Sabaota, tuatua maira; Ka akono ana i te tuatua-tau tikai, e takinga-meitaki atu ma te aroa, te tangata katoa oki tona uaorai taeake;

10 Auraka oki e takinga-kino i te vaine takaua e te matiroeroe, te tangata ke ma te ao; auraka oki e manako kino i roto i to kotou ngakau, te tangata katoa ki tona uaorai taeake.

11 Kare akera ra i tika ia ratou kia akarongo, kua iki ra te tua ma te meameaau, e kua popani i to ratou au taringa kia kore ratou e akarongo;

12 E kua akariro i to ratou ngakau mei te toka tama, ko te akarongo aea ratou i te ture, e te au tuatua i tonokia mai e Iehova Sabaota i te Vaerua nona i te rima o tei muatangana ra au peroveta; no reira i maata mai ei te riri no ko ia Iehova Sabaota ra.

13 Tupu atura oki e, iaia i kapiki ra e kare ratou i akarongo mai; kua kapiki mai oki ratou, e kare au i akarongo, te tuatua mairā Iehova Sabaota ra:

14 Akapueurikiriki atura au ia ratou mei ta te puaioio ra, ki roto i te pa enua katoatoa kare ratou i kite ra. Tanea atura te enua i muri ake ia ratou ra, e kare rava e tangata e aere na roto, kare oki i oki mai: kua akariro oki ratou i taua enua inangaroia ra ei mea tanea.