Ieremia

19 TE NA ko mairā Iehova; Ka aere ka tiki i tetai āriki karakaraea na te potera, e tetai papaki tangata pakari no roto i te au tangata nei, e tetai aronga pakari katoa no roto i te kau taunga ra.

2 Ka aere ei koe ki te o o te tamaiti a Hinoma, ki mua mai i te ngutupa potera ra, e naau e akakite ki reira i te au tuatua taku e karanga atu kia koe ra.

3 E karanga atu koe, E akarongo mai i te tuatua a Iehova, e te au ariki o Iuda e, e tei noo i Ierusalema ra: Te na ko maira te Atua o Iseraela ra, ko Iehova Sabaota; I na, ka apai mai au i te kino ki runga i teianei ngai, e poturi nga taringa o te aronga katoa e akarongo ra.

4 No te mea kua akaruke mai ratou iaku, e kua akaviivii ratou i teianei ngai, e kua tutungi i te rakau kakara i reira no te au atua ke, kare i kitea e ratou, ko ratou, e to ratou au metua, e te au ariki no Iuda; e kua akaki i teianei ngai i te toto o te aronga ara kore;

5 Kua akatu oki i te au ngai teitei o Baala, ei taʼu anga i ta ratou au tamariki i te ai, ei atinga karakaratio na Baala, i tei kore i akaueia e au ra, e kare au i tuatua ua ake, kare oki i tupu i toku nei ngakau.

6 E teianei, i na, te vaitata maira te au rā, te tuatua mairā Iehova, kare teianei ngai e karanga akaouia Ko Topheta, e Te o o te tamaiti a Hinoma, Ko te o tainga ra.

7 E akakore oki au i te tuatua a Iuda, e ta Ierusalema, i teianei ngai; e inga oki ratou iaku i te koke ki mua i to ratou au enemi, e i te rima oki o te aronga i kimi mai ia ratou kia mate: e ka oronga oki au i to ratou au kopapa ei kai na te au manu o te reva, e na te au puaka o te enua nei.

8 E akariro oki au i teianei oire ei tanea, e ei akavaavaa anga: te aronga e na reira te aere te ka va ua, e ka akavaavaa i tona ra au mate katoa.

9 E e akaangai au ia ratou ki te kiko o ta ratou au tamariki tamaroa, e te kiko o ta ratou au tamaine; e kai oki ratou katoa i te kiko o tona uaorai oa, i taua eke ra, taua koropini anga ra, ta to ratou au enemi, e te aronga i kimi mai ia ratou kia mate, i akapini mai ia ratou.

10 Ei reira koe ka akangaaʼi i taua āriki ra ki mua i te aroaro o te aronga i aere ma koe katoa ra;

11 Ka karanga atu ei koe kia ratou, Te na ko mairā Iehova Sabaota: ka pera rai au te akangaangaa anga i teianei iti-tangata, e teianei oire, mei tana i akangaangaa i te āriki a te potera ra, ko tei kore rava e tika kia anga akaou ra; e tanu oki ratou i Topheta, e kapi akera, kare e o kia tanu.

12 E pera taku e rave i teianei ngai, e tei noo katoa i reira, te tuatua mairā Iehova, e kia riro ua atu teianei oire mei ia Topheta.

13 E te au are o Ierusalema, e te au are o te ui ariki no Iuda, e riro ïa mei taua ngai ra, mei ia Topheta, i te viivii; e te au are katoa i tungia te rakau kakara, i to ratou taua ki rungao ra, no te au nuku katoa o te rangi ra, e te riringi anga i te au atinga inu na te au atua ke ra.

14 Kua aere mairā Ieremia mei Topheta mai, mei te ngai ta Iehova i tono atu iaia e totou ra: e tu ua maira ki roto i te paepae o te are o Iehova; e kua tuatua maira ki te tangata katoa ra,

15 Te na ko maira te Atua no Iseraela ra, ko Iehova Sabaota, I na, ka apai mai au i te au kino katoa ki rungao i teianei oire, e te au oire katoa no reira ra; no te mea kua akaketaketa io nei ratou i to ratou kaki, kia kore e akarongo mai i taku nei tuatua.