Isaia

20 I TE mataiti i aere ei a Taratana ki Asedoda, (i tonokia aia e te ariki no Asura ra e Saragona,) kua tamaki iora aia ia Asedoda, e rauka akera;

2 I reira ta Iehova tuatua anga mai ia Isaia te tamaiti a Amoza ra, na ko maira, E aere e tatara i te kakau paoa i to taukupu ra, e kiriti oki i to tamaka i to vaevae ra. E kua pera atura aia, i te aere taaka ua anga, ma te tamaka kore.

3 E kua tuatua mairā Iehova, Mei taku tavini mei ia Isaia i aere taaka ua, e ma te tamaka kore, ei akairo ïa te reira, e ei vavaranga oki, no nga mataiti e toru ra, no Aiphiti, e no Kusa:

4 E pera te ariki no Asura i te arataki i te au tuikaa o Aiphiti, e to Kusa i eke ra, te aronga ou e te ruaine, ma te taaka ua e te tamaka kore, ma te tapoki kore i muri, te mea i akamaʼi to Aiphiti.

5 E mataku oki e e akama ratou i to Kusa i ta ratou i irinaki ra, e ia Aiphiti i ta ratou akatietie ra.

6 E i te reira rā ka tuatuaʼi to taua enua ra, I na, ko te tu ïa o to tatou e tauturu mai, kia ora tatou i te ariki no Asura ra: e akapeea ra oki tatou e oraʼi?