1 Paraleipomeno
24 TEIA te akataka anga i te au tamariki a Aarona. Ko ta Aarona au tamariki, ko Nadaba ïa, e ko Abihu, e ko Eleazara, e ko Itamara.
2 Mate iorā Nadaba raua ko Abihu te ora ra te metua, e kare a raua tamariki: kua rave iorā Eleazara raua ko Itamara i te taoonga taunga ra.
3 Kua tua marie iora oki a Davida ia raua, ko Zadoka no te au tamariki a Eleazara, e ko Ahimeleka no te au tamariki a Itamara ra, ta raua ïa taoonga ka rave ei raua ra.
4 No te mea ra kua rai te aronga mataiapo tei kitea i roto i te au tamariki a Eleazara i te au tamariki a Itamara, e akaperaia i te tuanga: to te au tamariki a Eleazara okotai ngauru ma ono aronga mataiapo i te are o to ratou ai metua, e to te au tamariki a Itamara e varu ïa i te ngutuare o to ratou ai metua.
5 Tua keleroia iora ratou tetai e tetai; e aronga tutara no te ngai-tapu, e te aronga tutara no te are o te Atua ra, no te au tamariki ïa a Eleazara, e no te au tamariki katoa a Itamara ra.
6 E na Semaia te tamaiti a Netaneela tata tuatua, ngati Levi ra, i tata ia ratou i mua i te aroaro o te ariki, e te ui ariki katoa, e ia Zadoka taunga, e ko Ahimeleka te tamaiti a Abiatara, e te au mataiapo tutara o te kau taunga e te ngati Levi: okotai ngutuare mataiapo i tataia no Itamara, okotai i to Eleazara.
7 Rauka maira te kelero mua ia Ieoiariba, te rua ia Iedaia,
8 Te toru ra ia Harima, te a ra ia Seorima,
9 Te rima ra ia Malakia, te ono ra ia Miamina,
10 Te itu ra ia Koza, te varu ra ia Abia,
11 Te iva ra ia Iesua, te ngauru ra ia Sekania,
12 Te ngauru ma tai ra ia Eliasiba, te ngauru ma rua ra ia Iakima,
13 Te ngauru ma toru ra ia Hupa, te ngauru ma a ra ia Iesebeaba,
14 Te ngauru ma rima ra ia Bilega, te ngauru ma ono ra ia Imera,
15 Te ngauru ma itu ra ia Hezira, te ngauru ma varu ra ia Aphese,
16 Te ngauru ma iva ra ia Petahia, te tai takau ra ia Iehezekela,
17 Te tai takau ma tai ra ia Iakina, te tai takau ma rua ra ia Gamula,
18 Te tai takau ma toru ra ia Delaia, te tai takau ma a ra ia Maazia.
19 Ko te au pupu teia i ta ratou akono anga ka aere ei i te are o Iehova, ko tei tau ïa ia ratou ia Aarona i to ratou metua, ta te Atua no Iseraela ta Iehova i akaue mai kiaia ra.
20 E te toenga o nga tamariki a Levi ko teia ïa: Ko te tamariki a Amerama; ko Subaela ïa: e te tamariki a Subaela ra; ko Iehedeia.
21 Ko te tamariki a Rehabia ra; ko Isia tei maata.
22 Ko ta Izahara; ko Selomota ïa: to te tamariki a Selomota ra; ko Iahata ïa.
23 Ko nga tamariki a Heberona ra; ko Ieria te tama mua, ko Amaria te toko rua, ko Iahaziela te toko toru, ko Iekameama te toko a.
24 Ko nga tamariki a Uziela ra; ko Mika ïa: to te tamariki a Mika ra; ko Samira.
25 Ko te taeake o Mika ra, ko Isia ïa: to te tamariki a Isia ra; ko Zekaria ïa.
26 Ko nga tamariki a Merari ra; ko Mahali ïa, e ko Musi: ko nga tamariki a Iaazia; ko Beno.
27 Ko nga tamariki a Merari ia Iaazia ra; ko Beno ïa, e ko Sohama, e ko Zakura, e ko Iberi.
28 Ko ta Mahali ra; ko Eleazara ïa, kare ra ana e tamariki.
29 E ko Kisa: ko te tamaiti a Kisa ra; ko Ierameela.
30 Ko nga tamariki katoa a Musi ra; ko Mahali, e ko Edera, e ko Ierimota. Ko nga tamariki ïa a te ngati Levi i te ngutuare o to ratou ai metua.
31 Kua tuku katoa te reira i te kelero mei to ratou ai taeake katoa, i te au tamariki a Aarona, i mua i te aroaro o te ariki ra o Davida, e o Zadoka, e o Ahimeleka, e te au mataiapo tutara o te kau taunga e te ngati Levi ra, te aronga mataiapo tutara, e to ratou ai taeake i muri ake, okotai rai aite.