Salamo

15 KOAI, e Iehova, te ka tuitarere i toou ra puakapa? koai te ka noo i to maunga tapu ra?

2 Ko te tangata aerenga tiratiratu, ko tei akono i te tuatua-tika ra; e ko tei tuatua i te tuatua-mou i roto i tona ra ngakau.

3 Ko tei kore i urutoe tona arero, ko tei kore i takinga-kino i tona tangata tupu, ko tei kore i āriki i te tuatua kino i tona taunga.

4 Ko tei akavaavaa i te tangata viivii ra; e akangateitei ra i te aronga i mataku ia Iehova: ko tei taputou ra, kino uaʼi aia uaorai, kare e taeke ua.

5 Ko tei kore i tuku i tana moni ki te ou ra; ko tei kore i rave i te tutaki ei akaapa i te tangata ara kore ra. Ko tei akapera i te rave i taua au mea nei, kare e ngaueue e tuatau ua atu.