Zekaria

14 I NA, te aere maira te rā o Iehova, e e tuaia to apinga pou i rotopu ia koe na.

2 E akaputuputu mai oki au i te au enua katoa ki runga ia Ierusalema ei tamaki; e ka rauka ïa te oire, e ka āruia te au are, e ka kukumiia te au vaine; e ka riro tetai pae o te oire ei tuikaa, e ko te toenga o te tangata ra, kare ïa e tipu keia i taua oire ra.

3 Ei reirā Iehova e aere atu ei, ka tamaki ei ki taua au enua ra, mei tana rai i tamaki i te rā tamaki ra.

4 E e tu tona vaevae i taua rā ra ki runga i te maunga ra i Oliveta, ki mua mai ia Ierusalema i te pae i te itinga o te rā ra; e ka ngaa taua maunga ra ko Oliveta i rotopu ra; ki te pae i te itinga o te rā, e i te opunga o te rā ra, e maata rava atura taua o ra, e ka taka oki tetai pae maunga ki te pae ki apatokerau e tetai pae ki te pae ki apatonga.

5 E ka ati kotou ki te o o nga maunga noku ra, e tae rava atura oki te o o aua nga maunga ra ki Azala; koia ïa, ka ati kotou, mei ia kotou i ati i te ngaruerue enua, i te au rā o Uzia, ariki no Iuda ra; e tae mai oki taku Atua ko Iehova, e te aronga tapu ravarai ma koe katoa ra.

6 E riro oki i taua rā ra, e kore e mārama tika ïa, e aveave ra e te poiri.

7 Te vai ra oki tetai rā, kua kitea e Iehova te reira, kare e aoia, e kare rai e po; e riro ra ei te aiai e māramaʼi.

8 E riro oki i taua rā ra, e taʼe atu ei te vai ora na Ierusalema atu, tetai pae ki te tai itinga, e tetai pae ki te tai opunga, ka pera ua rai i te akaū e te paroro.

9 Ka riro oki ko Iehova te ariki ki runga i te enua katoa nei, i taua rā ra, ko Iehova anake ïa, e tona ingoa anake.

10 Ka akatu keia te enua katoa nei, ka tu a te Araba ra mei Geba e tae rava atu ki Rimona, i te pae i apatonga i Ierusalema ra: e e akateiteiia aia, e ka tangataia i tona ra ngai, mei te ngutupa o Beniamina e tae rava atu ki te ngai o te ngutupa muatangana ra, e tae rava atu ki te ngutupa muatangana ra, e tae rava atu ki te ngutupa o nga poo ra; e mei te punanga o Hananeela e tae rava atu ki te taomianga vine a te ariki ra.

11 Ka noo oki ratou i reira, e kare atura o reira e taumaa, e nooia oki Ierusalema ma te au.

12 Teia ra te mate ta Iehova e ta mai i te au tangata ravarai i tei tamaki ia Ierusalema ra: E pou ua to ratou kiko tu uaʼi to ratou vaevae ki runga, e pou ua oki to ratou mata i roto i te rua mata tikai ra, e pou ua oki to ratou arero i roto i to ratou vaa.

13 E riro oki i taua rā ra, tetai oripu anga maata i te tupu i rotopu ia ratou no ko mai ia Iehova ra, e opu anake oki ratou ravarai i te rima o tona uaorai tangata tupu, e akateitei oki aia a tona rima e rave i te rima o tona tangata tupu.

14 E tamaki oki to Iuda i roto i Ierusalema, e e akaputuputu katoaia mai te au apinga o te pa enua katoa e pini ua ake, te auro, e te ario, e te kakau, e maata ua atu.

15 E ka riro te mate o te au oroenua, te au mule, te au kamela, e te au asini, e te au puaka katoa e vai ki roto i taua au puakapa ra, mei te reira katoa rai ïa mate.

16 E riro oki, ko te tangata ravarai toe i roto i te au enua katoa ra, tei aere e tamaki ia Ierusalema, e aere katoa ïa i tera mataiti i tera mataiti, e akamori i te Ariki ra, ia Iehova Sabaota, e akono oki i te aroa patia anga puakapa ra.

17 E riro oki, ko tei kore e tae ki runga ra, to te au kopu katoa o te ao nei, ki Ierusalema, e akamori i te Ariki ra, ia Iehova Sabaota ra, kare ratou e topaia e te ua.

18 E te kopu i Aiphiti ra kia kore e tae, e kare rai e aere mai, tei kore i topaia e te ua; e iri mai te mate ki runga ia ratou ra, i ta Iehova ka tuku ki runga i te pa enua i tei kore e aere mai e akono i te oroa patia anga puakapa ra.

19 Ko ta Aiphiti ïa utunga, e te utunga rai no te pa enua katoa; kare e aere mai e akono i te oroa pati anga puakapa ra.

20 E riro i taua rā ra ki runga i te au ove o te au oroenua ra, EI TAPU NO IEHOVA: e riro oki te au pani i roto i te are o Iehova mei te au kapu i mua i te atarau ra.

21 E te au pani ravarai i Ierusalema e i Iuda ra, ka tapu ïa ia Iehova Sabaota ra; ka aere anake mai oki te aronga ta puaka, ka rave ei i te reira, ka tunu ei i te kai ki roto ra: e kare atura e ngati Kanaana i roto i te are o Iehova Sabaota i taua rā ra.