1 Paraleipomeno
23 E RUAINE akerā Davida, e kua ope ona au rā, kua akaariki aia i tana tamaiti ia Solomona ki rungao ia Iseraela.
2 Kua akaputuputu maira aia i te ui ariki katoa o Iseraela, e te kau taunga, e te au ngati Levi.
3 I tatauia oki te ngati Levi na tei tae ki te toru ngauru o te mataiti e runga atu; e te rainga o to ratou katu, i te tatau taki tai anga, e toru ïa ngauru e varu ara i te tausani.
4 E tai takau ma a i te tausani no roto i taua aronga ra, ei runga ïa i te angaanga i te are o Iehova; ko e ono ra tausani ei aronga rangatira ïa, e ei akava;
5 Ko e a ra tausani ei tiaki ngutupa ïa; ko e a oki tausani ei akameitaki ïa ia Iehova i te au taoonga i angaia e au ei akameitaki.
6 Kua tua pupu iorā Davida ia ratou i roto i te au tamariki a Levi ra: ko Geresona, e ko Kohata, e ko Merari.
7 To te ngati Geresona; ko Laadana ïa, e ko Simei.
8 Nga tamariki a Laadana; ko tei maata ko Iehiela ïa, e ko Zetama, e ko Ioela, toko toru.
9 Nga tamariki a Simei; ko Selomita, e ko Haziela, e ko Harana, toko toru. Ko nga rangatira metua ïa i o Laadana.
10 Nga tamariki oki a Simei; ko Iahata ïa, ko Zina, e ko Ieusa, e ko Beria. Ko nga tamariki ïa na Simei toko a.
11 Ko Iahata tei maata, e ko Ziza i muri ake: ko Ieusa ra e ko Beria, kare e maata ta raua puke tamariki; okotai oki o raua ngutuare metua te tatau anga.
12 Ko nga tamariki a Kohata ra; ko Amerama ïa, ko Izahara, ko Heberona, e ko Uziela, toko a.
13 Ko nga tamariki a Amerama; ko Aarona, e ko Mose; e kua akatakaiā Aarona kia akatapu aia i te au mea tapu rava ra, koia e tana au tamariki e tuatau ua atu, ei tutungi i te atinga kakara i mua i te aroaro o Iehova, ei rave i te taoonga iaia, e ei akaora i te tangata i tona ra ingoa, e tuatau ua atu.
14 Karekā Mose te tangata o te Atua ra, no te kopu o Levi ana puke tamariki i te tatau.
15 Nga tamariki a Mose ra; ko Geresoma ïa, e ko Eliezera.
16 To te au tamariii a Geresoma; ko Sebuela tei maata.
17 Nga tamariki a Eliezera; ko Rehabia tei maata. Kare atu a Eliezera e tamariki, kareka te au tamariki a Rehabia, e manganui ïa.
18 To te au tamariki a Izahara; ko Selomiti tei maata.
19 To te au tamariki a Heberona; ko Ieria tei maata, ko Amaria te toko rua, ko Iahaziela te toko toru, e ko Iekameama to toko a.
20 To te au tamariki a Uziela; ko Mika tei maata, e ko Iesia te toko rua.
21 Ko nga tamariki a Merari; ko Mahali e ko Musi. Ta Mahali puke tamariki; ko Eleazara e ko Kisa.
22 Mate atura oki a Eleazara, kare ana tamariki tamaroa, e tamaine ra: raveia iora ratou e to ratou au taeake e te au tamariki i Kisa.
23 Nga tamariki a Musi ra; ko Mahali ïa, e ko Edera, e ko Ieremota, toko toru.
24 Ko nga tamariki ïa a Levi i te ngutuare o to ratou ai metua; e aronga mataiapo tutara, i tatauia to ratou ingoa i to ratou upoko, ko tei tae ki te mataiti tai takau ra e ko runga atu, ko tei rave i te peu i te taoonga i te are o Iehova.
25 Kua tuatua akera oki a Davida, Kua oronga mai oki te Atua o Iseraela ko Iehova i te au ki tona iti-tangata, e ka noo ïa ratou i Ierusalema e tuatau ua atu:
26 Kare oki te ngati Levi e apai akaou i te puakapa e to reira au kapu katoa, i te peu no te reira.
27 E teianei, i te ikuiku openga a Davida ra, ko te ngati Levi, ko tei tae ki te mataiti tai takau, tei tatauia, e ko runga atu:
28 No te mea, ko to ratou turanga tei te rima ïa o te au tamariki a Aarona i te rave anga i te taoonga i roto i te are o Iehova; ei runga i te au paepae, e te au pia, e kia tamā oki i te au mea tapu katoa, e e rave oki i te angaanga i te are o te Atua ra;
29 E akanoonoo oki i te areto o te aroaro ra, ei kimi oki i te faraoa pueu no te atinga, e no te kai rikiriki akaopue kore ko tei tupu auri uaia, e tei faraipaniia; e te akono tikai i te tu e te maata i te arite anga;
30 E kia tu oki i te au popongi katoa, e te au aiai katoa, e akameitaki e e akapaapaa ia Iehova;
31 E kia apai ma te tukumoe kore, ki mua i te aroaro o Iehova, i te au atinga karakaratio katoa na Iehova, i te au sabati, te au marama ou, e te au oroa akonoia ra, te tatau anga e tau i tei akaueia kia ratou ra:
32 E kia akono ratou i tei ikuikuia i te Are uipaanga, e tei ikuikuia i te ngai-tapu, e te ikuiku oki i te au taeake no ratou i te au tamariki a Aarona, i te rave anga i te taoonga i te are o Iehova.