1 Paraleipomeno
9 TATAUIA oki Iseraela katoatoa i to ratou ra anauanga; e i na, kua tataia iora ratou i roto i te buka a te au ariki o Iseraela: e kua apai keia Iuda ki Babulonia i ta ratou ra ara.
2 Te aronga i noo ana i to ratou ra enua, i to ratou ra au oire, ko teia ïa, ko to Iseraela, te kau taunga, te ngati Levi, e te au Netini.
3 To te au tamariki a Iuda i noo i Ierusalema, e to te au tamariki a Beniamina, e to te au tamariki a Epheraima, e ta Manase;
4 Ko Utai ïa te tamaiti a Amiuda, te tamaiti a Omeri, te tamaiti a Imeri, te tamaiti a Bani, no te au tamariki a Phareza te tamaiti a Iuda.
5 E to te Silo ra; ko Asaia te tama mua, e tana ra au tamariki.
6 E to te au tamariki a Zera ra; ko Ieuela, e to ratou ai taeake, e ono ïa anere e iva ngauru.
7 To te au tamariki a Beniamina; ko Salu te tamaiti a Mesulama, te tamaiti a Hodavia, te tamaiti a Hasenua,
8 E ko Ibenia te tamaiti a Ierohama, e ko Ela te tamaiti a Uzi, te tamaiti a Mikeri, e ko Mesulama te tamaiti a Sephatia, te tamaiti a Reuela, te tamaiti a Ibenia;
9 E to ratou ai taeake, i to ratou anauanga, e iva ïa anere e rima ngauru e ono ara. E aronga mataiapo tutara anake ïa i te ngutuare o to ratou ai metua.
10 To te aronga taunga ra; ko Iedaia, e ko Ieoiariba, e ko Iakina,
11 E ko Azaria te tamaiti a Hilikia, te tamaiti a Mesuluma, te tamaiti a Zadoka, te tamaiti a Meraiota, te tamaiti a Ahituba, e tutara ïa i te are o te Atua;
12 E ko Adaia te tamaiti a Ierohama, te tamaiti a Pasahura, te tamaiti a Malekia, e ko Maasia te tamaiti a Adiela, te tamaiti a Iazera, te tamaiti a Mesilemita, tamaiti a Imera;
13 Taua aronga mataiapo ra i te ngutuare o to ratou ai metua, e to ratou ai metua, e to ratou ai taeake,tokotai ïa tausani e itu anere e ono ngauru; e aronga tangata maroiroi ïa i te rave anga i te taoonga i te are o te Atua.
14 E to te au ngati Levi ra: no te au tamariki a Merari ra; ko Semaia ïa, te tamaiti a Hasuba, te tamaiti a Azerikama, te tamaiti a Hazabia;
15 E ko Bakabakara ko Heresa, e ko Galala, e ko Matania te tamaiti a Mika, te tamaiti a Zikeri, te tamaiti a Asapha;
16 E ko Obadia te tamaiti a Semaia, te tamaiti a Galala, te tamaiti a Iedutuna, e ko Berekia te tamaiti a Asa, te tamaiti a Elikana, tei noo i te au vila o te au Netopha.
17 E te aronga tiaki ngutupa; ko Saluma ïa, e ko Akuba, e ko Talemona, e ko Ahimana, e to ratou ai taeake: ko Saluma ra te tangata maata.
18 Tei te ngutupa o te ariki ra i te pae i te itinga o te rā ra, nga tiaki ngutupa: te reira i te au pupu tamariki a Levi ra.
19 Ko Saluma te tamaiti a Kore, te tamaiti a Ebiasapa, te tamaiti a Kora, e tona au taeake, no te ngutuare o tona metua, i te ngati Kora, ko rungao ïa i te rave anga i te taoonga, e aronga tiaki ngutupa no te Are: mei to ratou ai metua i tiaki i te tomoanga o te puakapa o Iehova ra.
20 E ko Phinehaza te tamaiti a Eleazara, te tutara ïa ki rungao ia ratou i muatangana, kua vaitatâ Iehova iaia ra.
21 E ko Zekaria te tamaiti a Meselemia te tiaki ngutupa ïa i te Are uipaanga.
22 Taua aronga katoa i ikiia ei tiaki ngutupa ra, e rua ïa anere okotai ngauru ma rua. I tatauia taua aronga ra i to ratou anauanga, i to ratou au vila, mei ta Davida e te akara ra Samuela i akono i ta ratou ra taoonga.
23 Tei ia ratou atura, e tei ta ratou au tamariki, te tiaki i te au ngutupa i te are o Iehova, koia te Are puakapa, kua tiaki pupu ïa.
24 I akanooia te aronga tiaki i nga pae e a o te iero ra; tei te pae i te itinga o te rā, e te opunga o te rā, tei te pae i apatokerau, e i apatonga.
25 E to ratou ai taeake i noo i to ratou au vila, e aere katoa mai, tataki po itu ka aere mai ei, e akapera ua atu rai ratou.
26 E taua au ngati Levi ra, ko nga tiaki ngutupa mamaata toko a ra, kua akanooia i ta ratou ra taoonga, e tei rungao i te au pia, e te au vairanga apinga, i te are o te Atua ra.
27 I akapini ei ratou i taua are o te Atua ra i te noo anga, no to mea tei ia ratou te tiaki, e te eeu anga oki i te au pa i te au popongi katoa ra, tei ia ratou ïa.
28 E tei tetai pae o ratou te tiaki i te au âriki no te angaanga, kia tatauia kia apai mai ki roto e ki vao.
29 Kua akonoia oki tetai pae ei tiaki i taua au āriki ra, e te au apinga katoa o te ngai-tapu ra, e te faraoa pueu, e te wina, e te manongi, e te atinga kakara, e te tapou kakara.
30 Na te au tamariki a te kau taunga i anga i te manongi i te rakau kakara.
31 E na Matitia ngati Levi, te tama mua na Saluma, e ngati Kora, tei iaia te tiaki i runga i te au mea i tunu paniia ra.
32 E tetai pae taeake o ratou, o te ngati Kohata, tei runga ïa i te raverave i te areto o te aroaro, e te akanoonoo marie anga i te au sabati katoa ra.
33 Teia te aronga imene, e mataiapo metua ngati Levi anake, tei noo au i roto i te au pia, kua vaoo ua ïa ratou, no te mea kua rave uaorai ratou i te angaanga i te po e te ao.
34 Ko te au mataiapo metua ngati Levi teia, e aronga mataiapo ïa i to ratou ra anauanga; kua noo taua aronga ra i Ierusalema.
35 I Gibeona to te metua tane o Gibeona ra ko Iehiela i te noo anga, ko Maaka te ingoa o te vaine nana.
36 E te tama mua nana ra ko Abadona ïa, e ko Zura, e ko Kisa, e ko Baala, e ko Nera, e ko Nadaba,
37 E ko Gedora, e ko Ahio, e ko Zekaria, e ko Mikelota.
38 Anau akera ta Mikelota ko Simeama; tei Ierusalema ratou katoa i te noo anga e to ratou ai taeake katoa ra, i vaitata i to ratou au taeake.
39 Anau akera ta Nera ko Kisa, anau akera Kisa ko Saula, anau akera ta Saula ko Ionatana, e ko Malekisua, e ko Abinadaba, e ko Esebaala.
40 Ko ta Ionatana tamaiti ko Meri-baala ïa, anau akera ta Meri-baala ko Mika.
41 Ko ta Mika ra puke tamariki ko Pitona ïa, e ko Meleka, e ko Tarea, e ko Ahaza.
42 Anau akera ta Ahaza ko Iara, anau akera ta Iara ko Alemeta, e ko Azemaveta, e ko Zimeri; anau akera ta Zimeri ko Moza.
43 Anau akera ta Moza ko Binea; e ko tana tamaiti ra ko Rephaia ïa, ko tana tamaiti ra ko Eleasa ïa, ko tana tamaiti ra ko Azela ïa.
44 Toko ono a Azela tamariki, teia to ratou au ingoa, ko Azerikama, ko Bokeru, ko Isemaela, ko Searia, ko Obadia, e ko Hanana; ko nga tamariki ïa a Azela.