1 Samuela

10 KUA rave iorā Samuela i tetai ue manongi, e kua riringi atura ki rungao i tona mimiti, e kua ongi atura iaia, karanga atura, Kare ainei kua akatainu a Iehova ia koe ei tutara ki rungao i tana tuanga nei?

2 Kia akaruke mai koe iaku e aere atu koe akonei, ka aravei koe i e toko rua puke tangata i vaitata i te tanumanga o Rahela i Zeleza, i te pae o Beniamina; e ka tuatua mai raua kia koe e, Kua kitea te au asini taau i aere e kimi ra; e i na, kua kore to toou metua maaraanga i te au asini, te aue ra ia koe, te tuatua ra e, Akapeea ra au i taku tamaiti?

3 E mei reira oki e aere ra koe e kia tae koe ki te rakau i o Tabora, e ka aravei mai ia koe i reira nga tangata toko toru i to ratou aerenga ki Betela e akamori i te Atua; e puke punua puaka-nio e toru ta tetai i te apai anga, e nga areto oki e toru ta tetai, e āriki wina oki ta tetai i te apai katoa anga:

4 E aroa mai oki ratou ia koe, e oronga mai ratou i e rua areto naau; e rave oki koe i te reira i to ratou rima.

5 E mei reira oki e tae atura koe ki te maunga o te Atua, e puakapa-anga toa tei reira na te Philiseti: e kia tae koe ki roto i te oire ra, ka riro koe i te aravei i tetai pupu peroveta, i te aerenga mai ki raro, mei runga mai i taua ngai teitei ra, ma te nabala, e te tophe, e te koê, e te kinura, i mua ia ratou; e totou oki ratou:

6 Ka tae mai oki te Vaerua o Iehova ki rungaia koe ra, ka ttoou katoa oki koe e ratou katoa, ka riro oki koe ei tangata akatu keia.

7 E kia ope teia au akairo i te tupu ia koe ra; ka rave ei koe i tei tika ia koe ra: tei ia koe oki te Atua.

8 E aere ra koe ki raro ki Gilagala na mua iaku; e i na, e aere atu au ki raro kia koe na, e apai i te atinga karakaratio, e ta oki i te atinga au ra: kia po itu koe i te tapapa anga mai iaku, e kia tae atu au kia koe na, e akakite kia koe i taau e rave ra.

9 E kia ariu aia e aere e akaruke mai ia Samuela, kua oronga maira te Atua i te ngakau ke nona: tupu atura oki taua au akairo katoa ra i taua rā ra.

10 Tae akera oki raua ki te maunga ra, i na, kua aravei maira tetai pupu peroveta iaia; e kua aere mai oki te Vaerua o te Atua ki rungao iaia, e kua totou iora aia i rotopu ia ratou.

11 E kite akera te aronga ravarai i kite iaia i muatangana ra, e i na, te totou katoa ra aia i rotopu i te au peroveta ra, kua tuatua akera ratou ratou uaorai, I peeaia io nei te tamaiti a Kisa nei? Tei roto katoā Saula i te au peroveta ra?

12 Kua tuatua akera tetai tangata i reira, na ko akera, Koai ra to ratou metua tane? E riro atura ïa ei tuatua-anga, Tei roto katoā Saula i te au peroveta?

13 E oti akera taua totou anga ra, aere atura aia ki te ngai teitei ra.

14 Kua tuatua maira te taeake o te metua o Saula kiaia, e te tavini katoa nona ra, I aere tika oki korua kiea? Kua karanga atura oki aia, I aere maua e kimi i te au asini: e kare atura i kitea e maua, aere atura maua kia Samuela ra.

15 Kua tuatua maira te taeake o te metua o Saula, Teia taku tuatua kia koe, e akakite mai ana koe kiaku i ta Samuela i tuatua mai kia korua na.

16 Kua karanga aturā Saula ki te taeake o tona metua, Kua akakite pu tikai aia kia maua e kua kitea te au asini. Kareka te tuatua i te basileia, ta Samuela i tuatua maira, kare aia i akakite atu kiaia i te reira.

17 Kua akaputuputu mairā Samuela i te au tangata ki Mizepa, ki mua i te aroaro o Iehova;

18 E kua karanga atura aia ki te tamariki a Iseraela, Te na ko maira te Atua o Iseraela ra ko Iehova, I arataki mai au i to Iseraela mei Aiphiti mai, e kua akaora au ia kotou i te rima o to Aiphiti, e i te rima o te au basileia katoa i tinaimate mai ia kotou na:

19 E kua akaruke ra kotou i to kotou Atua i teianei rā, i tei akaora ia kotou i to kotou au tumatetenga katoa e to kotou au mate; e kua karanga kotou kiaia e, Auraka; ei ariki rai te tuku ki rungao ia matou. E tenana, e akakite kotou ia kotou uaorai ki mua i te aroaro o Iehova i to kotou au kopu e to kotou au kopu-tangata.

20 E oti akera te au kopu katoa o Iseraela i te akavaitataia mai e Samuela, ko te kopu o Beniamina tei akakiteia mai.

21 E oti akera te kopu o Beniamina i te akavaitata kopu-tangataia mai e ia, ko te kopu-tangata o Matari tei akakiteia mai, e akakiteia maira oki te tamaiti a Kisa ra ko Saula: e kia kimi ratou iaia kare rava atura aia i kitea.

22 Kua ui akaou rai ratou kia Iehova i te tae anga mai o taua tangata ra i reira. E kua tuatua mairā Iehova, I na, kua pipini aia ki roto i te au apinga ra.

23 Kua oro atura ratou e arataki mai iaia mei taua ngai ra, e kia tu mai aia i rotopu i te au tangata ra, teitei atura aia i te au tangata katoa ra, ko te pakuivi ra i runga akera te vaʼi i teitei.

24 Kua karanga aturā Samuela ki te au tangata ravarai, Te akara nei ainei kotou iaia i tei ikiia e Iehova ra, kare ona e arite i te au tangata katoa ra? Kua maeva katoatoa iora te tangata, kua tuatua maira, Kia ora te ariki.

25 Kua akakite aturā Samuela ki te tangata i te au mea tika e tau ki te au ariki, e kua tata iora ki roto i tetai buka, e kua vaoo iora ki mua i te aroaro o Iehova. Kua tuku aturā Samuela i te au tangata katoa kia aere ana ki to ratou au ngutuare tikai.

26 Aere aturā Saula ki tona ngutuare i Gibea; e tetai takanava tangata katoa i te aere katoa anga, ko tei akataeia to ratou ngakau e te Atua ra.

27 Kua tuatua akera tetai papaki tangata kanga ra, Eaa tatou e oraʼi i te reira tangata? Akavaavaa atura ratou iaia, e kare i apai i te apinga nana. Kare ra aia i akono ua atu ia ratou.