Salamo

142 E KAPIKI au ma toku reo ia Iehova; ma toku reo i te pati anga atu kia Iehoa. 2 E riringi ua atu au i toku manako ki mua i tona aroaro; e akakite au kiaia i toku tumatetenga. 3 I te tumatetenga roa o toku vaerua i roto iaku nei, te kite ra koe i toku aerenga i reira. I roto i te arataa taku i aere ra, kua tuku poiriia e ratou tetai ereere iaku i reira. 4 Kua ariu au ki te rima katau e kua akara, kare rava ra e tangata i kite mai iaku: kare rava oku e oroanga; kare rava tetai i akono mai i toku vaerua. 5 Kua kapiki atura au ia koe, e Iehova, i reira; kua karanga atura au, Ko koe toku akapuanga, taku ra tuanga i te enua o te aronga e ora nei. 6 E akono mai koe i taku e kapiki nei, kua tuku akaaka roaia oki au nei: e akaora koe iaku i te aronga takinga-kino mai iaku nei; e ririnui oki to ratou i toku. 7 Kia ora toku vaerua i te are tapekaanga nei, kia akameitaki au i toou ra ingoa. Ei reira te aronga tuatua-tika e akapini mai ei iaku nei, kia pera mai toou takinga-meitaki iaku nei.