Te Au Akava

5 KUA peʼe iorā Debora, e ko Baraka te tamaiti a Abinoama, i taua rā, na ko akera,

2 E akameitaki ia Iehova, kua tutakinaia te mate o Iseraela, kua oronga ua te au tangata ia ratou uaorai.

3 E akarongo mai kotou, e te ui ariki e: ariu mai i to kotou taringa, e te au tutara e! ka peʼe ana au, ko au nei rai, kia Iehova; ka peʼe akatatānga au ki te Atua o Iseraela kia Iehova.

4 Ia koe i riro mai mei Seira mai, e Iehova e, ia koe i aere mai mei te au kainga maira mei Edoma, kua ngaueue te enua, kua topata oki te au rangi, te au tumurangi oki, kua topata i te vai!

5 Kua taʼe te maunga ki mua i te aroaro o Iehova; ko Sinai uaorai ki mua i te aroaro o Iehova te Atua o Iseraela.

6 I te au rā o Samagara te tamaiti a Anata ra, i te au rā o Iaela, kua noo ua te au ara, kua na te au mataara ngaro ra te tuitarere i te aere.

7 Kua miea te au vila i Iseraela nei, kua miea, e kia tu maira au ra, ko Debora, kia tu maira au ei metua vaine i Iseraela nei.

8 Kua rave ratou i te au atua ou: tei te au ngutupa te tamaki i reira! te kitea ra aina te korare e te paruru e okotai iti ake i roto ia Iseraela e a katoa ngauru anga o te tausani i reira?

9 Te riro nei toku ngakau i te au tutara ia Iseraela nei, ko tei oronga ua mai ia ratou uaorai i roto i te au tangata nei. E akameitaki kotou ia Iehova.

10 Ko te aronga i akaoro i te au asini teatea ra, ko tei noo i te akatau anga tuatua ra, e te aronga i aere ua na te arataa ra, ka tuatua na kotou.

11 No te maeva o te aronga akainana kakao ra, i te va i te au ngai utuianga vai ra, kua tuatua ratou i te ravenga tuatua-tika a Iehova i reira, i tana ravenga tuatua-tika i te au vila i Iseraela ra: kua aere to Iehova tangata ki te au ngutupa o te oire i reira. 12 E ara, e ara, e Debora; e ara, e ara, e pe’e i te pe’e akatatānga: ka tu, e Baraka, ka arataki i te aronga i akatuikaaia e koe ra ei tuikaa, e te tamaiti a Abinoama e. 13 Kua autu iaia te toenga i reira, koia oki te au tangata, ki runga i te aronga ririnui, kua autu au ia Iehova ki runga i te aronga toa uritumu.

14 No roto ia Epheraima te aronga i noo i te maunga ra i Amaleka; e i muri ake ia koe, ko Beniamina ïa i rotopu i to au tangata ra; e aronga tutara tei aere mai no ko ia Makira ra, e no ko ia Zebuluna te aronga i mātau i te tata tuatua ra. 15 Tei ia Debora taku ui mataiapo i o Isakara ra, mei ia Isakara koia oki a Baraka; i tonokia aia ki raro ki te ngai mataataa ra ma te aronga i aru iaia. E eumiumi maata tei te au tapere i o Reubena!

16 Eaa koe i noo uaʼi i roto i toou au koro puaka, akarongo uaʼi i te aue o te au anana ra? e eumiumi maata tei te au tapere i o Reubena ra. 17 E ko Gileada, noo ua atura i tetai pae Ioridana ra; eaa oki Dana i noo ei i rotopu i te au pai? Noo ua aturā Asera i taatai, e kua puakapa i roto i te au ava nona ra. 18 Ko Zebuluna raua ko Naphatali, ko nga tangata ïa i akaruru i te mate, i te au ngai teitei i te kainga ra.

19 Kua aere maira te ui ariki, kua tamaki maira! kua tamaki mai te ui ariki o Kanaana, i Taanaka i te pae o te vai ra ko Megido; kare rava tetai manga ario iti i riro ia ratou. 20 I na te rangi mai te au etu i te tamaki! kua tamaki ratou ia Sisera i to ratou aerenga.

21 Na te kauvai ra na Kisona ratou i tataʼi e riro atura! taua kauvai taito ra, te kauvai ra ko Kisona! E taku vaerua e, e aronga mana tei takatakaiia e koe ra.

22 Kua takatakai te maikuku o te au oroenua i reira, i te akaoro pu ua anga o te aronga ririnui nona ra.

23 E taumaa kotou ia Meroza, te tuatua maira te Angela a Iehova, e taumaa pu tikai kotou i to reira, no te mea kare ratou i aere mai e tupae ia Iehova: e tupae ia Iehova i taua aronga ririnui ra.

24 Kia maata te meitaki o Iaela i te au vaine ra, te vaine na Hebera ngati Keni ra, e maata aia i te meitaki i te au vaine o te puakapa ra.

25 Kua pati aia i te vai, kua oronga atu aia i te u; kua apai atu aia i te bata i roto i te āriki meitaki ra.

26 Kua opu tona rima kaui i te titi, e tona rima katau i te amara teimaa; kua tutuki aia ia Sisera, ko te mimiti tana i tutuki; kua patiti mama rava aia i tona rairai. 27 Kua piko aia i tona pae vaevae; kua topa aia ki raro, kua moe, kua piko aia i tona pae vaevae, kua tiraa ïa aia; i te ngai i piko ei aia ra, kua inga, ko te mate rava anga rai ïa.

28 Kua akara te metua vaine o Sisera na roto i te māramārama; kua na roto aia i te ngutupa i te kapiki anga, Eaa ra te roa o tona kariota i te aere anga mai e, eaa ra tona au tipi kariota i tavare ei e?

29 Kua tuatua akera te au oa vaine pakari nona ra, kua tuatua oki aia kiaia uaorai,

30 Kare aina tei manuia ratou? kare ainei tei tua akera ratou i te apinga? e kua tataki tai ra e kua taki rua oki te vaine i te tangata okotai? ta Sisera ra e tuanga apinga tumatatini ïa, e tuanga apinga tumatatini i tuiia ra, e tuanga apinga tumatatini i tuiia e rua katoa pae, no runga i te kaki o tei noniia ra. 31 Kia pera te au enemi ravarai noou i te mate, e Iehova e! Kareka te aronga i inangaro iaia ra kia riro ïa ratou mei te rā kia iti aia ma tona ririnui ra. Noo ua iora taua enua ra ma te au e a akera ngauru anga o te mataiti ra.