Salamo

8 E TO matou Atu, e Iehova, Kua teitei to ingoa e pini ua ake te pa enua katoa nei! e toou ra kakā kua tukuia e koe ki rungao i te au rangi ra!

2 No roto i te vaa o te tamariki mea ngiti, e te kai u i akono ei koe i te maroiroi no toou au enemi ra, kia muteki atu te enemi, e te ukeumu ra.

3 Kia akara au i to au rangi i te angaanga a to maikao-rima na; te marama e te au etu taau i anga ra;

4 Eaa te tangata nei, i manako mai ei koe iaia? e ta te tangata nei tamaiti, i akono mai ei koe iaia?

5 I raro iti ake aia i te au angela i te anga angaia e koe ra, e kua akakorona koe iaia i te kakā e te mana.

6 Kua akariro koe iaia ei tutara i te au angaanga a to rima; kua tukuia e koe te au mea katoa nei ki raro ake i ona vaevae:

7 Te au mamoe e te au puakatoro katoa; e te au puaka katoa o te ngangaere ra,

8 Te au manu o te reva, e te ika o te tai, tei na te ara moana i te aere ra.

9 E to matou Atu, e Iehova, kua teitei toou ingoa e pini ua ake te pa enua katoa nei?