Numero

5 KUA tuatua mairā Iehova kia Mose, na ko maira,

2 E karanga atu koe ki te tamariki a Iseraela, e tuku ratou i te au lepera katoa, e te aronga katoa i maki taeia ra, e tei viivii i te tangata mate ra, ki vao mai i te puakapa ra:

3 Ko te tane e te vaine katoa ta kotou e tuku, e tuku kotou ia ratou ki vao mai i te puakapa; kia kore to ratou au puakapa, i nooia e au i rotopu ra, e viivii ia ratou.

4 Kua pera oki te tamariki a Iseraela, kua tuku ia ratou ki vao mai i te puakapa: i ta Iehova i tuatua mai kia Mose ra, ko ta te tamariki a Iseraela ïa i rave.

5 Kua tuatua mairā Iehova kia Mose, na ko maira,

6 E karanga atu koe ki te tamariki a Iseraela, Kia rave te tane nei, e kare ra, te vaine, i te ara, i te au ara katoa a te tangata nei, e ara iora oki ia Iehova, e kua akaapaia taua tangata ra; 7 E aaki ratou i ta ratou ara i ta ratou i rave ra i reira; e tutaki oki i taua apa nana ra, e akaoki aia i te mea mou ra, ka topiri katoaʼi i tetai tuanga rima, ka apai atu ei ki taua tangata tana i takinga-kino ra. 8 E kare ra o taua tangata ra e uraura toe, ei rave i te tutaki no taua takinga-kino ra, e apai i taua tutaki ra kia Iehova, na te taunga; e te mamoe toa tapokiangaara katoa te ka apaaia ei tapokiangaara nana ra. 9 E te au atinga apaiia ki runga i te au mea tapu katoa ta te tamariki a Iseraela e apai mai ki te taunga ra, nana uaorai ïa.

10 E ta te au tangata katoa ra au mea tapu ra, nana ïa; e ko ta te tangata e apai mai ki te taunga, nana uaorai ïa.

11 Kua tuatua mairā Iehova kia Mose, na ko maira,

12 E karanga atu koe ki te tamariki a Iseraela, e na ko atu kia ratou, Kia aere ke te vaine a tetai tangata ra, e kia takinga-kino iaia,

13 E i moeia aia e tetai tangata, e ara iora aia, uunaia iora e ngaro atura, kare te tane i kite, e kare i rauka te kite i taua ara nana ra, e kare aia i rokoia i te moenga angaia ra; 14 E kia rokoia aia e te vareae ngakau, e te vareae ra aia i tana vaine, e kua ara aia ra: e kia rokoia aia e te vareae ngakau, e te vareae ra aia i tana vaine, e kare aia i araia:

15 E arataki taua tangata ra i tana vaine ki te taunga, e apai katoa oki aia i tana atinga, e okotai omera faraoa kerite; auraka aia e tuku i te inu ki rungao, auraka katoa ei tapou kakara e tukuia ki rungao; e atinga kai vareae oki te reira, ei atinga kai manakoanga ei akakite i te manako i te ara ra.

16 E na te taunga e apai i te reira, ka tuku ei ki mua i te aroaro o Iehova:

17 Ei reira te taunga ka rave ei i te vai tapu i roto i tetai kapu karakaraea; e te one-pueu no te taua o te puakapa, ka rave te taunga i te reira, ka tuku ei ki roto i taua vai ra:

18 E tuku oki te taunga i taua vaine ra ki mua i te aroaro o Iehova, ka kiriti ei i te pare o taua vaine ra, ka tuku ei i te atinga kai manakoanga ki roto i tona rima, i te atinga kai vareae ra: ka mou ua oki te taunga i te vai maamaa akakino ra ki tona rima:

19 E na te taunga e akataputou atu iaia, e karanga aia ki taua vaine ra, Kare koe i aere ke i to tane ra, e kare oki i araia i te moe anga i tetai tangata, auraka toou ei kino i teianei vai maamaa akakino ra;

20 Kua aere ke ra koe i to tane ra, e kua ara koe i te moe anga i tetai tangata, kare te tane naau ra:

21 E tuku atu te taunga i te taputou akakino ki taua vaine ra i reira, e e karanga atu te taunga ki taua vaine ra, Kia akariro a Iehova ia koe ei kinoanga, e ei taputouanga i rotopu i toou iti-tangata, i te akaraririki anga atu a Iehova i toou ūā, e te akatupu anga i toou kopu;

22 Kia tae oki teianei vai akakino ki roto i toou kopu, ei akatupu i toou kopu, e ei akaraririki i to ūā. E na taua vaine ra e tuatua mai e, Tika, tika tikai. 23 E na te taunga e tata i eianei puke tuatua akakino ki roto i tetai buka, ka orei atu ei kia mā i taua vai maamaa ra:

24 E akainu oki aia i taua vaine ra i taua vai maamaa akakino ra, e ka tae taua vai akakino ra ki roto iaia, ka riro ei ei maamaa. 25 E rave oki te taunga i te atinga kai o te vareae i roto i te rima o taua vaine ra, ka ruru ei i taua atinga kai ra ki mua i te aroaro o Iehova, ka apai ei ki runga i te atarau ra.

26 Ka rave oki te taunga i tetai manga i taua atinga kai ra kia ki te rima, ei manakoanga, ka taʼu ei ki runga i te atarau ra, ka akainu ei i taua vaine ra i taua vai ra.

27 E kua akainu iora aia iaia i taua vai ra, kua ara tikai aia ra, kua takinga-kino aia i tana tane ra, ka riro taua vai akakino i o i roto iaia ra, ei mea maamaa i reira, ka tupu tona kopu, e raririki oki tona ūā; e ka riro taua vaine ra ei akakinoanga i roto i tona uaorai iti-tangata. 28 Kia kore ra taua vaine ra e araia, te vai ara kore ua ra: kare aia e kino i reira, e tamarikiia rai tana.

29 Ko te ture teia no te vareae, kia aere ke te vaine i tana tane ra, e araia iora;

30 E kia rokoia oki aia e te vareae ngakau, e te vareae ra aia i tana vaine, e akakite aia i taua vaine ra ki mua i te aroaro o Iehova i reira, e na te taunga e rave i te au mea katoa i roto i teianei ture iaia.

31 Kara te tane e araia i reira, ei te vaine ra tana uaorai ara.