Salamo

46 KO te Atua to tatou akapuanga e te maroiroi, e tauturu vaitata roa ïa kia rokoia e te tumatetenga:

2 E kore ei tatou e mataku, kia keukeu te enua, e kia uriia te au maunga ki raro ki rotopu i te tai:

3 Kia aruru te tai e tikitiki akera, kia ngaueue te au maunga i tona ngaru. Sela.

4 E vai te vai nei, e na tona au peka vai e akarekareka i te oire o te Atua, i te ngai-tapu ra i te au puakapa o Tei Teitei ra.

5 Ko te Atua tei rotopu iaia ra, kare ïa e tarū: na te Atua ïa e tauturu vave mai.

6 Kua mutamuta roa te au etene, kua oripu ua te au basileia; kua tuku maira i tona reo, taravai ua iora te enua.

7 Tei ia tatou a Iehova Sabaota ra: te Atua o Iakoba to tatou akapuanga. Sela.

8 E aere mai ana, e akara i ta Iehova i rave, te au ngai i akataneaia e ia i te enua nei.

9 Kua akakore aia i te tamaki e tae rava akenei ki te openga enua; kua aati aia i te ana, e kua tipupu i te korare: e kua taʼuia te kariota ra i te ai.

10 E akatupua ana, kia kite mai e, ko au te Atua; ka akateiteiia au i o te au etene, ka akateiteiia au i te enua nei.

11 Tei ia tatou a Iehova Sabaota ra; te Atua o Iakoba to tatou akapuanga. Sela.