Salamo

20 KIA akarongoia mai koe e Iehova i te rā tumatetenga; kia akatikaia mai koe e te ingoa o te Atua o Iakoba;

2 Kia tuku mai i te tauturu kia koe mei roto mai i te ngai-tapu, e kia akamaroiroi mai ia koe mei roto mai ia Ziona;

3 Kia manakoia taau au atinga kai ravarai, e kia ārikiia taau au atinga karakaratio. Sela.

4 Kia oronga mai aia i ta to ngakau i anoano ra, e kia akatupu i taau i akakoro ra.

5 Kia rekareka matou i te ora naau, e i te ingoa o to matou Atua, ka akatu ei matou i te reva: kia akatikaia mai e Iehova te au mea katoa taau i pati ra.

6 Kua kite pu tikai au, e akaorā Iehova i tei akamainuia e ia; ka akarongo mai aia iaia i te au rangi tapu nona ra, i te ririnui akaora o tona rima katau ra.

7 Te irinaki nei tetai pae i te au kariota, e tetai pae i te au oroenua; e akaiki ra matou i te ingoa o to matou Atua ra, ko Iehova.

8 Kua tukuia ratou ki raro, e kua inga; kua tu ra matou ki runga, e keta akera te turanga.

9 E akaora, e Iehova; kia akarongo mai te ariki ia matou kia kapiki atu matou ra.