Salamo

137 I TE pae vai ra i Babulonia to matou noo anga ki raro, e kua aue iora matou i te manako anga ia Ziona. 2 Ki runga i te au rakau akaevaeva, i rotopu iora, te akauta angaia to matou au kinura: 3 I reira te aronga i tuikaaʼi matou ra, i te akaue anga i te imene; e te aronga i riro mai ei matou, tei pati i te rekareka, na ko maira, E imene mai ana i tetai imene no Ziona. 4 Eaa matou e tikaʼi kia imene i te imene a Iehova i te enua ke nei? 5 E Ierusalema, kia ngaropoina koe iaku, kia ngaropoina katoa i toku rima katau nei tana taoonga. 6 Kia piri toku arero ki toku vaa nei, kia kore au e manako ia koe: kia kore au e akateitei ia Ierusalema ei mea rekareka maata naku. 7 Akamaara, e Iehova, i te au tamariki a Edoma, ko tei tuatua i te rā ka tumatetengaʼi Ierusalema, Ka uritumu ana, ka uritumu ana, e tae rava atura ki te papa. 8 E te tamaine a Babulonia, ko te ka akataneaia e, e ao tona to te tutaki atu ia koe mei taau i rave mai ia matou nei. 9 E ao tona to te rave i taau au tamariki varevare, e kua pāpā ua ki runga i te mato ra.