Genese

5 TE tuatua i tataia ia Adamu. Ka anga ai te Atua i te tangata ra, i anga aia iaia ma to te Atua uaorai tu;

2 I anga aia ia raua ei tane e ei vaine; e kua akameitaki maira ia raua, tapa iora i to raua ingoa e Tangata, i te rā i angaiaʼi raua ra.

3 E okotai akera anere e toru ngauru to Adamu mataiti i te ora anga: anau akera tana e tamaiti mei iaia uaorai te tu; kua tau ki tona uaorai tu; e tapa iora i tona ingoa ko Seta:

4 E to Adamu ra au rā i muri ake i tana anau anga ia Seta ra, e varu ïa anere mataiti: e anau akera oki te tamariki tamaroa, e te tamariki tamaine;

5 E to Adamu ra au rā katoa i te ora anga, e iva ïa anere e toru ngauru te mataiti: e mate iora aia.

6 E okotai akera anere e rima ara to Seta mataiti i te ora anga, anau iora tana, ko Enosa:

7 E noo iorā Seta i muri ake i tana anau anga ia Enosa ra, e varu akera anere e itu ara te mataiti; e anau iora oki te tamariki tamaroa, e te tamariki tamaine:

8 E to Seta au rā katoa, e iva ïa anere, okotai ngauru, e rua ara te mataiti: e mate iora aia.

9 E e iva akera ngauru anga to Enosa mataiti i te ora anga, anau akera tana, ko Kainana:

10 E noo iorā Enosa i muri ake i tana anau anga ia Kainana ra, e varu akera anere, okotai ngauru, e rima ara te mataiti; e anau iora oki te tamariki tamaroa, e te tamariki tamaine;

11 E to Enosa au rā katoa, e iva ïa anere, e rima ara te mataiti: e mate iora aia.

12 E e itu akera ngauru anga to Kainana mataiti i te ora anga, anau akera tana, ko Maalaleela:

13 E noo iorā Kainana i muri ake i tana anau anga ia Maalaleela ra, e varu akera anere, e a ngauru anga te mataiti; e anau akera oki te tamariki tamaroa, e te tamariki tamaine:

14 E to Kainana au rā katoa, e iva ïa anere, okotai ngauru te mataiti: e mate iora aia.

15 E e ono akera ngauru e rima ara to Maalaleela mataiti i te ora anga, anau akera tana, ko Iareda:

16 E noo iorā Maalaleela i muri ake i tana anau anga ia Iareda ra, e varu akera anere, e toru ngauru anga te mataiti; e anau akera oki te tamariki tamaroa, e te tamariki tamaine:

17 E to Maalaleela au rā katoa, e varu ïa anere, e iva ngauru, e rima ara te mataiti: e mate iora aia.

18 E okotai akera anere, e ono ngauru, e rua ara to Iareda mataiti i te ora anga, anau akera tana, ko Enoka:

19 E noo iorā Iareda i muri ake i tana anau anga ia Enoka, e varu akera anere te mataiti, e anau iora te tamariki tamaroa, e te tamariki tamaine:

20 E to Iareda au rā katoa, e iva ïa anere, e ono ngauru, e rua ara te mataiti: e mate iora aia.

21 E e ono akera ngauru e rua ara to Enoka mataiti i te ora anga, anau akera tana, ko Metusela:

22 E kua aaere iorā Enoka raua ko te Atua i muri ake i tana anau anga ia Metusela ra, e toru akera anere te mataiti, e anau akera oki te tamariki tamaroa, e te tamariki tamaine:

23 E to Enoka au rā katoa, e toru ïa anere, e ono ngauru anga, e rima ara te mataiti:

24 E kua aaere oki a Enoka raua ko te Atua; e kare ra aia; kua apai keia oki aia e te Atua ra.

25 E okotai akera anere, e varu ngauru, e itu ara to Metusela mataiti i te ora anga, anau akera tana, ko Lameka:

26 E noo iorā Metusela i muri ake i tana anau anga ia Lameka ra, e itu akera anere, e varu ngauru, e rua ara te mataiti; e anau akera oki te tamariki tamaroa, e te tamariki tamaine:

27 E to Metusela au rā katoa, e iva ïa anere, e ono ngauru, e iva ara te mataiti: e mate iora aia.

28 E okotai akera anere, e varu ngauru, e rua ara to Lameka mataiti i te ora anga, anau akera tana, e tamaiti;

29 E tapa iora aia i tona ingoa ko Noa, na ko akera, Ka riro teianei tamaiti ei akamaru anga no tatou i to tatou roiroi, e te angaanga a to tatou nei rima, no te enua i taumaaia e Iehova ra.

30 E noo iorā Lameka i muri ake i tana anau anga ia Noa ra, e rima akera anere, e iva ngauru, e rima ara te mataiti e anau akera oki te tamariki tamaroa, e te tamariki tamaine:

31 E to Lameka au rā katoa, e itu ïa anere, e itu ngauru, e itu ara te mataiti: e mate iora aia.

32 E e rima akera o Noa anere i te mataiti: anau akera ta Noa ko Sema, ko Hama, e ko Iapheta.