Nehemia

3 KUA tu akera te taunga maata ra ko Eliasiba ki runga, e tona ra ai taeake taunga, e kua patu iora i te ngutupa mamoe ra: kua akatapu iora ratou, e kua akatu i to reira au pa; mei te punanga maira o Mea e tae ua atura ki te punanga o Hananeela, ko ta ratou ïa i akatapu ra.

2 E vaitatao iaia ra, kua patu iora te au tangata o Ieriko. E vaitatao ia ratou ra, kua patu iorā Zakura te tamaiti a Imeri ra.

3 Kareka te ngutupa ika ra, na te au tamariki ïa a Hasenaa i patu, na ratou katoa i akamou i to reira nga tea, e kua akatu i to reira nga pa, to reira nga loka, e to reira nga tea ra.

4 E vaitatao ia ratou ra kua patu iorā Meremota, te tamaiti a Uria, te tamaiti a Hakoza. E vaitatao ia ratou ra, kua patu iorā Mesulama, te tamaiti a Berekia, te tamaiti a Mesezabeela. E vaitatao ia ratou ra, kua patu iorā Zadoka te tamaiti a Baana.

5 E vaitatao ia ratou ra, kua patu iora to Tekoa ra; kare ra to ratou aronga mamaata i tuku ana i to ratou kaki ki te angaanga a to ratou Atu.

6 E te ngutupa taito ra, no Iehoiada te tamaiti a Pasea, e ko Mesulama te tamaiti a Besodeia, i patu; na ratou i akamou i to reira nga tea, e kua akatu i to reira nga pa, e to reira nga loka, e to reira nga tea ra.

7 E vaitatao ia ratou ra, kua patu iorā Melatia te Gibeona, e ko Iadona te Meronota, te au tangata no Gibeona, e no Mizepa, e tae ua atu ki te nooanga to te tutara i teianei pae vai.

8 E vaitatao iaia, kua patu iorā Uziela, te tamaiti a Haraia, e tupaki auro. E vaitatao iaia, kua patu iorā Hanania te tamaiti a tetai o te au iro manongi; kua vaooia oki Ierusalema e tae ua atura ki te patu pararauare ra.

9 E vaitatao ia ratou ra, kua patu iorā Rephaia, te tamaiti a Hura, te tutara no tetai pae Ierusalema.

10 E vaitatao ia ratou ra, kua patu iorā Iedaia, te tamaiti a Harumapha, i vaitata i tona uaorai are. E vaitatao iaia, kua patu iorā Hatusa te tamaiti a Hasabenia.

11 Ko Malekia, te tamaiti a Harema, e ko Hasuba, te tamaiti a Pahata-moabi, ko tei patu i te ngai toe, e te punanga o te au umu ra.

12 E vaitatao iaia, kua patu iorā Saluma te tamaiti a Halohesa, te tutara o tetai pae Ierusalema, koia ma tana au tamaine.

13 Te ngutupa o te o ra, na Hanuna ïa i patu, e te au tangata no Zanoa; na ratou i patu, e kua akatu i to reira nga pa, to reira nga loka, e to reira nga tea; e te patu oki okotai tausani i te kubiti e tae atura ki te ngutupa repo ra.

14 Kareka te ngutupa repo ra, na Malakia ïa i patu, te tamaiti na Rekabi, te tutara no tetai pae i Bete-hakerema; nana i patu, e kua akatu i to reira nga pa, to reira nga loka, e to reira nga tea oki.

15 Kareka te ngutupa o te punavai ra, na Saluna te tamaiti a Kole-hoze ia i patu, te tutara, o tetai pae i Mizepa; nana i patu, e kua tapoki, e kua akatu i to reira nga pa, to reira nga loka, e to reira nga tea, e te patu i te vai ra ko Siloa, i te pae kainga o te ariki ra, e te arataa e eke ei ki raro mei te oire mai o Davida.

16 E muri ake iaia, kua patu iorā Nehemia te tamaiti a Azabuka, te tutara o tetai pae i Bete-zura, mei te ngai i anga tika ki te au menema o Davida, e tae ua atu ki te vai i angaia ra, e i te are o te aronga toa ra.

17 E muri ake iaia, kua patu iora te ngati Levi, ko Rehuma, te tamaiti a Bani. E vaitatao iaia, kua patu iorā Hasabia, te tutara o tetai pae i Keila, i tona ra ngai.

18 E muri ake iaia, kua patu iora tona taeake ko Binui, te tamaiti a Henadada, te tutara o tetai pae i Keila.

19 E vaitatao iaia, kua patu iorā Ezere te tamaiti a Iesua, te tutara i Mizepa, i tetai ngai i anga katoa i te kakenga ki runga i te vairanga taoonga tamaki i te poo ra.

20 E muri ake iaia, kua patu maroiroi iorā Baruka, te tamaiti a Zabai, i te pae i toe, mei taua poo maira, e tae ua atu ki te ngutupa o te are o Eliasiba taunga maata ra.

21 E muri ake iaia, kua patu iorā Meremota te tamaiti a Uria, te tamaiti a Hakoza, i tetai ngai, mei te pa o te are o Eliasiba, e tae ua atura ki te openga mai o taua are o Eliasiba ra.

22 E muri ake iaia, kua patu iora te kau taunga, te au tangata no te ngai mataataa ra.

23 E muri ake iaia, kua patu iorā Beniamina raua ko Hasuba, i vaitata i to raua are. E muri ake iaia, kua patu iorā Azaria te tamaiti a Maaseia, te tamaiti a Anania, i tona pae are.

24 E muri ake iaia, kua patu iorā Binui te tamaiti a Henadada i tetai ngai, mei te are o Azaria ki te ngai i mingi maira, e tae ua atura ki te poo ra.

25 Ko Palala, te tamaiti a Uzai, i anga katoa i te poo e te punanga i piko tika mai ki vao i te are teitei o te ariki, i vaitata ki te paepae o te are tapekaanga ra. E muri ake iaia, ko Pedaia te tamaiti a Parosa.

26 E te au Netini tei noo i Ophela, kua patu iora i te ngai i anga tika ki te ngutupa vai i te pae i te itinga o te rā ra, e te punanga i akaārō ua mai ki vao.

27 E muri ake ia ratou ra, kua patu iora to Tekoa ra i tetai ngai, tei anga tika ki te punanga maata i akaārō ua mai ki vao, e tae ua atura ki te patu ki Ophela.

28 Kua patu iora te kau taunga mei te ngutupa oroenua ra i runga maira, te tangata katoa i vaitata i tona are.

29 E muri ake ia ratou ra, kua patu iorā Zadoka te tamaiti a Imera, i tei anga tika ki tona are. E muri ake iaia, kua patu iorā Semaia, te tamaiti a Sekania, i te tiaki i te ngutupa i te pae i te itinga o te rā ra.

30 E muri ake iaia, kua patu iorā Hanani, te tamaiti a Selemia, e ko Hanuna, te toko ono o te au tamariki a Zalapha, i tetai ngai. E muri ake ia ratou ra, kua patu iorā Mesulama te tamaiti a Berekia, i tei anga tika ki tona pia.

31 E muri ake iaia, kua patu iorā Malekia, te tamaiti a tetai tupaki auro ra, e tae ua atu ki te ngai o te au Netini, e to te aronga oko ra, e anga tika akera ki te ngutupa ra ko Miphekada, e te kakenga ki runga i te poo ra.

32 E taua kakenga ki runga i te poo ra, e te ngutupa mamoe ra i rotopu iora, na te aronga tupaki auro e te aronga oko ra i te patu.