Nehemia

10 E TAUA aronga i topiri ra, ko te tutara ïa ko Nehemia, te tamaiti a Hakalia ra, e ko Zedekia,

2 Ko Seraia, ko Azaria, ko Ieremia,

3 Ko Pasahura, ko Amaria, ko Malakiia,

4 Ko Hatusa, ko Sebania, ko Maluka,

5 Ko Harima, ko Meremota, ko Obadia,

6 Ko Daniela, ko Ginetona, ko Baruka,

7 Ko Mesulama, ko Abiia, ko Miamina,

8 Ko Maazia, ko Bilagai, ko Semaia: ko te kau taunga ïa.

9 E te au ngati Levi ra: ko Iesua ïa te tamaiti a Azania, ko Binui to te au tamariki a Henadada, ko Kadimiela;

10 E to ratou ai taeake, ko Sebania, ko Hodia, ko Kelita, ko Pelaia, ko Hanana,

11 Ko Mika, ko Rehoba, ko Hasabia,

12 Ko Zakura, ko Serebia, ko Sebania,

13 Ko Hodia, ko Bani, ko Beninu.

14 Te aronga rangatira o te tangata ra; ko Parosa ïa, ko Pahata-moabi, ko Elama, ko Zatu, ko Bani,

15 Ko Buni, ko Azagada, ko Bebai,

16 Ko Adonia, ko Bigavai, ko Adina,

17 Ko Atera, ko Hizikia, ko Azura,

18 Ko Hodia, ko Hasuma, ko Bezai,

19 Ko Haripa, ko Anatota, ko Nebai,

20 Ko Magapiasa, ko Mesulama, ko Ilezira,

21 Ko Mesezabeela, ko Zadoka, ko Iadua,

22 Ko Pelatia, ko Hanana, ko Anaia,

23 Ko Hosea, ko Hanania, ko Hasuba,

24 Ko Halohesa, ko Pileha, ko Sobeka,

25 Ko Rehuma, ko Hasabana, ko Maaseia,

26 Ko Ahia, ko Hanana, ko Anana,

27 Ko Maluka, ko Harima, ko Baana.

28 E te toenga o te tangata, te kau taunga ra, te au ngati Levi, te au tiaki ngutupa, te aronga imene, te au Netini, e te aronga katoa i akataka ke mai ia ratou uaorai i te au tangata no te pa enua ra, i te ture a te Atua, ta ratou au vaine, ta ratou au tamariki tamaroa, e ta ratou au tamaine, te aronga katoa i kite ra, tei taka te tuatua ia ratou;

29 Kua topiri atura ratou ki to ratou ai taeake, ki to ratou aronga mamaata ra, e kua taputou iora ratou ma te taumaa e, e aere ratou na te ture a te Atua ra, i tei tukuia mai e te tavini o te Atua ra e Mose, e akamako, e e rave i te au akauenga katoa a to tatou Atu a Iehova, e tana katoa au tuatua-tau ra, e tana au akonoanga;

30 E kare matou e oronga i ta matou au tamaine na te tangata o te enua, kare oki e rave i ta ratou au tamaine na ta matou au tamariki:

31 E kia apai mai te au tangata o te enua i te apinga, e te kai, i te rā sabati, e oko ra, kare matou e oko i ta ratou i te sabati, e te rā tapu ra: e vaoo ua ana oki matou i te enua i te mataiti itu ra, kare oki e umuumu atu i te oko.

32 Kua akataka oki matou i te au akonoangana na matou uaorai e, e oronga matou i te tuanga toru o te sekela i te au mataiti katoa, no te peu i te are o to tatou Atua;

33 No te kai o te aroaro, e no te atinga kai i apai tamouia ra, e no te tusia karakaratio i apai tamouia, no te au sabati, no te au marama ou, no te au oroa akono tamouia ra, e no te au mea tapu ra, e no te au tarangaara, ei tapoki i te ara a Iseraela, e no te au angaanga katoa o te are o to tatou Atua.

34 Kua tuku iora matou i te au kelero i te apai anga mai i te vaie a te kau taunga, te au ngati Levi, e te tangata katoa, kia apaiia mai ki te are o tatou Atua, i te au ngutuare o to matou ai metua, i te tuatau i akonoia ra i te au mataiti katoa ra, ei tutungi anga ki runga i te atarau o to tatou Atua o Iehova, i tei tataia ki roto i te ture ra:

35 E apai mai oki i te popo o to matou enua, e te popo o te au rakau kai katoa, i te au mataiti katoa, ki te are o Iehova;

36 E ta matou au tamaroa tama mua ra, e ta matou au puaka, mei tei tataia i roto i te ture ra: te anaunga mua o ta tatou au puakatoro, e ta tatou au mamoe, e apai ki te are o to tatou Atua, ki te kau taunga ko tei rave i te taoonga i roto i te are o to tatou Atua:

37 E ka apai mai oki matou i te mua o ta matou faraoa oiia ra, e tei apaiia e matou, e te au ua o te au rakau ravarai, i te wina, e te inu, ki te kau taunga ra, ki te au pia o te are o to tatou Atua ra; e te ngauru o to tatou kainga ki te au ngati Levi, kia rave taua au ngati Levi ra i te ngauru i to matou au oire katoa i tanuia ra.

38 Ka vaitata katoa oki te taunga e tamaiti na Aarona ki te au ngati Levi, kia rave te au ngati Levi i te ngauru: e na te au ngati Levi e apai mai i te ngauru no taua ngauru ra ki te are o to tatou Atua, ki te au pia ra, ki te are uipa anga apinga ra.

39 Na te au tamariki a Iseraela e te au tamariki a Levi, e apai mai i te sitona i apaiia ra, te wina ou, e te inu, ki te au pia ra, tei reira te au āriki o te ngai-tapu ra, e te kau taunga e rave ra, e te au tiaki ngutupa, e te aronga imene; kare oki matou e akaruke i te are o to tatou Atua.