Isaia

12 KIA tae ki taua rā ra, e tuatuaʼi koe, E akameitaki au ia koe, e Iehova: i riri mai oki koe iaku ra, kua anga keia ra toou riri, e kua akapumaana mai koe iaku.

2 I na, ko toku ora, ko te Atua ïa; e ririnaki au, e kare au e mataku: ko toku oki ïa matutu, e toku ïa imene anga, ko te Atu ra ko Iehova; e kua riro mai aia ei ora noku.

3 E ka uti kotou i te vai ma te rekareka no roto i te au punavai ora ra.

4 E i te reira rā kua tuatuaʼi kotou, E akameitaki kotou ia Iehova, e kapiki atu ki tona ingoa, e akakite ki te tangata i tana au ravenga, e akakite marie kotou e kua akateiteiia tona ingoa.

5 E imene kotou ia Iehova; i te ravenga meitaki tu ke tana i rave ra: kua kitea ïa te reira i te ao katoa nei.

6 E kapiki nui, e maeva, e tei noo i Ziona ra e: te maata ra oki Tei Tapu i Iseraela nei i rotopu ia koe ra.