Salamo

54 E AKAORA mai koe iaku, e te Atua, i toou ra ingoa, e akatika mai oki koe iaku i toou ra ririnui.

2 E te Atua e, e akarongo mai i taku pure; e ariu mai to taringa i te tuatua a toku nei vaa.

3 Kua tu mai oki te au tangata ke e rave iaku, e te kimi maira te aronga takinga-kino ra iaku kia mate: kare ratou i tuku i te Atua ki mua ia ratou. Sela.

4 I na! ko te Atua te tauturu iaku; tei ia ratou te Atu, tei te aronga e turu mai i toku vaerua.

5 E akaoki mai aia i te kino ki runga i toku au enemi: e tipu ke atu koe ia ratou i taau ra tuatua-mou.

6 Ka apai ua rai au i te atinga kia koe; ka akameitaki rai au i toou ra ingoa, e Iehova, e meitaki oki te reira;

7 Kua akaoraia oki au e koe i te au tumatetenga katoa nei; e kia akara toku mata i te matenga o toku nei au enemi.