Hosea

2 E KARANGA atu kotou ki to kotou au taeake, E Ami e; e to kotou au tuaine, E Ruhama e.

2 E māro atu i to kotou metua vaine, e māro atu: kare oki aia i te vaine naku, kare katoa au i te tane nana: kia tuku ke atu aia i tana ra au akaturi anga i mua i tona aroaro, e tana ra au akaturi anga mei rotopu i nga u nona ra;

3 Ko te taratara aea au i tona kakau e vaoo taaka ua iora aia, e kua vaoo uao iaia mei tei te rā i anau mai ei aia ra, e kua akariro iaia mei te medebara, e kia riro oki aia mei te enua marō, e mate iora aia iaku i te pukā.

4 Kare oki au e aroa i tana au tamariki; no te mea e tamariki no te akaturi ratou.

5 Kua akaturi oki to ratou metua vaine: ko tei to ia ratou ra, kua rave ïa i te peu akama: kua tuatua oki aia, E aru au i tei inangaro mai iaku ra, ko tei oronga mai i te manga naku, e te vai naku, taku uru-mamoe, e taku orongā, taku manongi, e taku e inu nei.

6 E teianei, e koropini au iaia ki te rakau taratara, e patu au i te patu, kia kore aia e kite i tona au aerenga atu.

7 E aru aere oki aia i te aronga i inangaro mai iaia, kare ra ratou e rokoia atu e ia; e kimi oki aia ia ratou, kare ra e kitea e ia: ei reira aia ka tuatuaʼi, E oki akaou au ki taku tane metua ra; e meitaki oki toku i reira i teianei.

8 Kare oki aia i kite e ko au tei o atu kiaia, i te sitona, e te wina, e te manongi, e kua akamaata i tana ario e te auro, anga iora ratou ei Baala.

9 E teianei e oki akaou au e rave ke i taku sitona i tona tuatau, e taku wina i tona tuatau, e rave mai oki au i taku uru-mamoe, e taku orongā, i tapokiiaʼi tona vai taaka ua anga.

10 E ei teianei au e akakite atu ei i tona akama ki mua i te aro o te aronga i inangaro mai iaia, e kare rava tetai e akaora iaia i toku rima nei.

11 E akakore katoa oki au i tona au mea rekareka ravarai, tona ra au rā oroa, tona au marama ou, e tona au sabati, e tona au oroa tapu ravarai.

12 E e mate te au vine nana, e te au suke nana, iaku, tana i tuatua mai e, Ko taku teia oko, i ta te aronga i inangaro mai iaku ra i oronga mai: e akariro au i te reira ei vaorakau, e na te au puaka o te enua e kai i te reira.

13 E tutaki atu au ki runga iaia i te au rā o te au Baala, ka tutungi ei aia i te rakau kakara no ratou, ka akamaneaʼi aia iaia uaorai ki tona poe taringa, e te ei kaki nona, e kua aru atura aia i te aronga i inangaro mai iaia, e kua akangaropoina iaku, te tuatua mairā Iehova.

14 E tenana, i na, e akanauru atura au iaia e e arataki au iaia ki te medebara, ka tuatua maru atu ei au iaia.

15 E oronga oki au kiaia i te au kainga vine nona i reira, e te o o Akora ei ngutupa manakonako anga: e ei reira aia e imene ei, mei tei te au rā i tona ou anga ra, e mei tei te rā i aere mai ei aia mei te enua ra i Aiphiti.

16 E riro oki i taua rā ra, te tuatua mairā Iehova, ka kapiki mai ei koe iaku, e Taku Tane e, e kare koe e kapiki akaou mai iaku ia Baali.

17 E rave ke au i te au ingoa o Baala i roto i tona vaa, kare oki to ratou ingoa e akamaara akaouia atu.

18 E i taua rā ra e papau ei au i tetai koreromotu no ratou i te au puaka o te enua nei, e i te au manu o te reva ra, e te au mea totoro aere i runga i te enua: e e aati au i te ana, e te koke, e te tamaki, i te enua nei, e akamoe atu au ia ratou ma te ora.

19 E akaau atu au ia koe naku, e tuatau ua atu: koia tikai, e akaau atu au ia koe naku ma te tuatua-tika, e te tuatua-tau, e ma te akaperepere maata, e ma te aroa.

20 E akaau atu oki au ia koe naku ma te pikikaa kore: e ka kite koe ia Iehova.

21 Te na ko mairā Iehova e akarongo au, i taua rā ra, e akarongo au i te au rangi, e na te reira e akarongo i te enua:

22 E akarongo oki te enua i te sitona, e te wina, e te inu olive; e na te reira e akarongo ia Iezereela.

23 E e ruru au iaia i te enua nei naku uaorai; e akaperepere oki au iaia i tei kore i akaperepereia ra: e karanga atu au ki te aronga kare te tangata noku ra, Ko toku ra ïa au tangata; e na ratou e tuatua mai Ko koe to matou Atua.