Nehemia
11 NOO iora te aronga tutara no te au tangata katoa i Ierusalema: e te au tangata i toe ra kua tuku iora i te kelero, kia tae mai te ngauru o te tangata kia noo i roto i te oire tapu i Ierusalema, ko e toko iva ra, ei roto ïa i te au oire ra noo ei.
2 Kua akameitaki maira te tangata i te au tangata katoa i tei akatika na mai ratou uaorai e noo i Ierusalema.
3 Teia oki taua aronga mamaata i taua enua ra i noo i Ierusalema: te noo ra oki te tangata katoa i roto i te au oire o Iuda, ko te tangata ki tona kainga i roto i to ratou au oire; ko Iseraela, te kau taunga, e te au ngati Levi, e te au Netini, e te au tamariki a te aronga tavini o Solomona:
4 Te noo ra tetai pae i te au tamariki a Iuda i Ierusalema, e te au tamariki a Beniamina: To te au tamariki a Iuda; ko Ataia te tamaiti a Uzia, te tamaiti a Zekaria, te tamaiti a Amaria, te tamaiti a Sephatia, te tamaiti a Mahalaleela, no te au tamariki a Pereza;
5 E ko Maaseia te tamaiti a Baruka, te tamaiti a Kolahoza, te tamaiti a Hazaia, te tamaiti a Adaia, te tamaiti a Ioiariba, te tamaiti a Zekaria, te tamaiti a te Silo.
6 Te au tamariki katoa a Pereza, i noo i Ierusalema ra, e a ïa anere, e ono ngauru ma varu i te aronga toa anake.
7 Teia oki te au tamariki a Beniamina; ko Salu te tamaiti a Mesulama, te tamaiti a Ioeda, te tamaiti a Pedaia, te tamaiti a Kolaia, te tamaiti a Maaseia, te tamaiti a Itiela, te tamaiti a Iesaia.
8 E muri ake iaia, ko Gabai, ko Salai, e iva ïa anere, e rua ngauru ma varu.
9 E te tamaiti a Zikeri ko Ioela, to ratou ïa akamaroiroi: e te tamaiti a Senua ra ko Iuda, ko te toko rua ïa i runga i taua oire ra.
10 To te kau taunga ra: ko Iedaia te tamaiti a Ioiariba, ko Iakina;
11 Ko Seraia te tamaiti a Hilikia, te tamaiti a Mesulama, te tamaiti a Zadoka, te tamaiti a Meraiota, te tamaiti a Ahituba, ko te tutara ïa i te are o te Atua.
12 E to ratou au taeake i rave i te angaanga i te are ra, e varu ïa anere, e rua ngauru ma rua: e ko Adaia te tamaiti a Ierohama, te tamaiti a Pelalia, te tamaiti a Amezi, te tamaiti a Zekaria, te tamaiti a Pasahura, te tamaiti a Malakia,
13 E tona ra ai taeake, e aronga mataiapo tutara ïa, e rua ïa anere, e a ngauru ma rua: e ko Amasai te tamaiti a Azareela, te tamaiti a Ahasai, te tamaiti a Mesilemota, te tamaiti a Imera,
14 E to ratou ai taeake, e aronga toa uritumu, okotai ïa anere, e rua ngauru ma varu: e to ratou akamaroiroi ra, ko Zabadiela ïa, te tamaiti a Hagadolima ra.
15 E to te au ngati Levi ra: ko Semaia te tamaiti a Hasuba, te tamaiti a Azirikama, te tamaiti a Hasabia, te tamaiti a Buni;
16 E ko Sabetai, e ko Iozabada, ko nga tangata mamaata ïa i o te ngati Levi ra, tei runga ïa i te au angaanga ki vao atu i te are o te Atua ra.
17 E ko Matania te tamaiti a Mika, te tamaiti a Zabadi, te tamaiti a Asapha, ko te arataki ïa i te akameitaki e te pure: e ko Bakabukia, ko te toko rua ïa i roto i tona ra au taeake, e ko Abada te tamaiti a Samua, te tamaiti a Galala, te tamaiti a Iedutuna.
18 Te au ngati Levi katoa i roto i te oire tapu ra, e rua ïa anere, e varu ngauru ma a.
19 E te aronga tiaki ngutupa ra, ko Akuba, ko Talamona, e to raua au taeake tei tiaki i te au ngutupa ra, okotai ïa anere, e itu ngauru ma rua.
20 E te toenga o Iseraela, to te kau taunga, e te au ngati Levi, tei roto ïa i te au oire katoa o Iuda, ko te tangata ko tona kainga.
21 Kareka te au Netini, i Ophela ïa te noo anga: e to runga i taua au Netini ra, ko Ziha ïa raua ko Gisipa.
22 Te akamaroiroi oki i te au ngati Levi i Ierusalema ra, ko Uzi ïa te tamaiti a Bani, te tamaiti a Hasabia, te tamaiti a Matania, te tamaiti a Mika. To te au tamariki a Asapha ra, te aronga imene i rungao i te angaanga i te are o te Atua ra.
23 E mea akaueia oki e te ariki ia ratou, ei tuanga ta ratou ta te aronga imene i te au rā katoa ra.
24 E ko Petahia te tamaiti a Mesezapela, no te au tamariki a Zera te tamaiti a Iuda ra, tei te rima ïa o te ariki i te au tuatua ravarai a te tangata ra.
25 E manganui oki te ngati Iuda i noo i roto i te au vila i to ratou au kainga, i Kiriata-araba e to reira au vila, e i Dibona e to reira au vila, e i Ikabezeela e to reira au vila,
26 E i Iesua, e i Molada, e i Bete-peleta,
27 E i Hazarasuala, e i Bere-seba e to reira au vila,
28 E i Zikelaga, e i Mekona e to reira au vila,
29 E i Ene-rimona, e i Zarea, e i Iaremuta,
30 I Zanoa, i Adulama, e to reira au vila, i Lakisa e to reira au kainga, i Azeka, e to ratou au vila. Noo iora ratou mei Bere-seba e tae ua atu ki te o i o Hinoma ra.
31 Te au tamariki oki a Beniamina, mei Geba mai, i Mikemasa, e Aiia, e Betela, e to ratou au vila,
32 I Anatota, i Noba, i Anania,
33 I Hazora, i Rima, i Gitaima,
34 I Hadida, I Zeboima, i Nebalata,
35 I Loda, e i Ono, e te o o te rave angaanga.
36 E to te au ngati Levi au nooanga tei Iuda, e tei i o Beniamina.